Qurbysyn aıaýsyz soqqyǵa jyqqan taldyqorǵandyq 3 jasóspirim qyz jazadan qutylyp ketti. Birisiniń áleýmettik jelide sheteldik azamatpen qonaq úıde kezdesken sýreti jáne báriniń ishimdik iship otyrǵan vıdeosy tarady. Burymdylardyń bulaǵaı qylyǵyna qatysty qatań shara qoldandar joq, dep jazdy “Adyrna” ulttyq portaly jazdy.
Áleýmettik jelide 3 jasóspirim qyzdyń páterde qurbysyn aıaýsyz soqqyǵa jyqqanyn beıneleıtin vıdeo qoǵamdy dúrliktirgen edi. Keıingi derekter de kóńil kónshitpedi. 3 qyzdyń biri - Meıramgúldiń shetel azamatymen kezdesken sýreti shyqty. Qundyz ákesimen birge halyqtan keshirim surady. Aısulý japa shekken qurbysyn áli bopsalap otyr. Biraq olardyń áreketine toqtaý salǵan eshkim joq. Buǵan qatysty jýrnalıst Samal Qabysheva jazba jarııalady.
- Aısulýǵa eshteńe de bolmaıtyn boldy. Onyń máselesin qaraǵan "Qaratal aýdanyndaǵy kámeletke tolmaǵan balalardyń komıssııasynyń ókilderi" osyndaı sheshim shyǵarǵan. Iaǵnı, Aısulý Úshtóbegi Bastóbe
tehnıkalyq kolledjinde oqýyn jalǵastyra beredi. Buzyqtarǵa arnalǵan devıanttardyń mektebinde aýystyrylmaıdy. Biz ben sizdiń aramyzda emin-erkin júre beredi. Komıssııa úsh aı oǵan synaq berdi, eger buzaqylyq jasasa oqýdan qýylady dep komıssııa ókilderi qýyp otyr. Ony buzyqtardyń tizimine aldyq dep máz. Eee, birinshi bolyp uryp bastaǵan osy Aısulý emes pe edi. Urý taktıkasynyń ózi kásibı túrde. Istegen isteri ákki qylmyskerden esh aıyrmashylyq joq. Olar Madınany [japa shekken qyz] jibermeı ustap otyrǵan. Urǵan. Madınany polıııa baryp, alyp shyqqan. Demek, adam urlyǵy bolyp tur bul jerde. Nege sizder qylmystyq is qozǵamadyńyzdar?! Olardyń qandaı quqy bar, adamdy qınap ustaýǵa? Álde Taldyqorǵanda basqa zań ba? Al Qaratal aýdanynyń komıssııasyna 2 degen baǵa beremin. Qoǵamǵa múldem janashyrlyqtaryń joq eken. Qansha kúnnen beri búkil Qazaqstan shýlap jatyr osy Taldyqorǵandaǵy qyzdardyń tóbelesi boıynsha. Bekerden beker shýlap jatqan joq. Olar óz balalary úshin alańdaıdy, erteńgi kúnimiz úshin alańdaıdy. Kámeletke tolmaǵandardyń betimen ketkenine kúıingendikten alańdaıdy. Nege komıssııa músheleri osy jaýapkershilikti túsinbedińizder. Aısulýdyń devıanttarǵa arnalǵan mektepke aýysyýyn talap etemin. Eger eskermeseńizder, talabyma qulaq aspasańyzdar. Biz qoǵam bolyp narazylyqqa shyǵamyz. Jeter bárine! Toıdyq!Bul qyzdar bul qylmysqa sanaly túrde, aldyn-ala sóz baılasý arqyly barǵan. Iaǵnı, páterdi jaldaǵan. Madınany alyp kelgen. Urǵan. Jibermeı otyrǵan. Madınany polıııa baryp, alyp shyqqan. Ol azdaı esikti birden ashpaǵan. Bul qylmys! - dep jazdy Samal Qabysheva.
Basyna zaqym kelgen Madına qazir aýrýhanada em qabyldap jatyr. Biraq Madınaǵa buzaqy jasóspirim qyzdar qoqan-loqy kórsetýin qoıar emes. Buǵan qatysty jýrnalıst:
- Jumys júrgizgenderińiz osy ma? Erteń adam óledi, sony kútip otyrsyzdar ma? Taldyqorǵanda úsh qyzdan ońbaı taıaq jegen Madınanyń ómirine qaýip tónip tur. Myna betimen ketkender toqtar emes, jan-jaqtan osylaı qorqytyp, úrkitip jatyr - dep dabyl qaǵyp otyr.
“Adyrna” ulttyq portaly
