Elordadaǵy kardıohırýrgııa ortalyǵynda ońaltýdan ótip jatqan balalar «Samuryq-Qazyna» AQ kompanııalar tobynan jańajyldyq syılyqqa ıe boldy. Bul jerde dúnıege kelgeninen júrek aýrýy bar balalar em alýda.
Jalpy sany 30 búldirshindi quraıtyn olarǵa toptyń biryńǵaı qaıyrymdylyq operatory – «Samruk-Kazyna Trust» qorynyń bastamashylyq jobasy aıasynda tanymal dúkenderdiń birinen saýda júrgizýge múmkindik beretin 50 myń teńgelik sertıfıkattar tabystaldy.
«Samuryq-Qazyna» AQ Qoǵammen baılanys, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov balalardyń Jańa jylda tezirek saýyǵyp ketýin tilep, meırammen quttyqtady. Sondaı-aq, ata-analarmen jáne medıına qyzmetkerlerimen tildesti.
«Júrek adam aǵzasynyń eń mańyzdy bóligi. Oǵan nazar da erekshe bolyp, bárimiz onyń aqaýsyz ári toqtaýsyz soǵyp turýyn qalaımyz. Qazir elimizde medıına salasy joǵary deńgeıde. Myqty qural-jabdyqtar bar. Dárigerlerimiz de óte bilikti. Sondyqtan osy synaqtan jyldam ótip, ómirlerińizde jarqyn kezeńder mol bolýyn tileımin!», - dedi ol syılyqtardy tabystaý barysynda.
Eske sala ketsek, Qor basshylary buǵan deıin eńbek ujymdary atynan Astanadaǵy Ana men bala ulttyq ǵylymı ortalyǵy, Psıhologııalyq-pedagogıkalyq túzetý kabıneti men Almaty qalasyndaǵy Pedıatrııa jáne balalar hırýrgııasy ǵylymı ortalyǵyndaǵy jalpy sany 800-den astam balaǵa jańajyldyq syılyqtar men sertıfıkattar, táttiler jıyntyǵyn tartý etip, merekelik kóńil-kúıge bóledi.
