«Jańa Memlekettik josparlaý júıesine sáıkes áskerı qaýipsizdik salasyndaǵy qujattar qaıta ázirlendi. Memleket basshysynyń tapsyrmasyn oryndaý úshin qazirgi zamanǵy syn-qaterge sáıkes Áskerı doktrına qaıta ázirlendi. «Qaýipsiz el» ulttyq jobasy ázirlendi. Osy joba sheńberinde qarý-jaraqtyń elimizde shyǵarylǵan úlgisin daıyndaý, oq-dári qoımasyn salý, qoldanystaǵy saqtaý obektisin jetildirý kózdelgen. Jaýyngerlik daıarlyq is-sharasy aıasynda «Batyl toıtarys», «Aıbalta», «Beket» oqý-jattyǵýy, «Altyn jebe» keshendi tekserisi, sondaı-aq halyqaralyq áskerı yntymaqtastyq sheńberinde «Eshelon», «Izdeý», «Ózara is-qımyl» oqý-jattyǵýy ótkizildi. Áskerı qyzmetshiler Belarýs, Úndistan, Iordanııa, Qyrǵyzstan, Túrkııa, Ózbekstan jáne Reseı elderinde ótken oqý-jattyǵýǵa qatysty. Sonymen qatar, Qarýly Kúshter bólimsheleri jyl saıyn ótetin armııalyq halyqaralyq oıynǵa qatysýda. 34 eldiń komandasy arasynda bizdiń komanda júldeli úshinshi orynǵa ıe boldy», - dedi Sultan Qamaletdınov.
Sonymen qatar, el Prezıdentiniń saılaýaldy baǵdarlamasyn iske asyrý josparynda ozyq qarýmen, basqarý júıesimen jabdyqtalǵan tehnologııalyq mobıldi armııa qurý, qorǵanys ónerkásibin damytý, áskerı bilim men ǵylymdy jetildirý, áskerı qyzmet bedelin, Qazaqstan armııasynyń abyroıyn arttyrý, jastarǵa áskerı patrıottyq tárbıe berý mindeti aıqyndalǵan. Ásker «Qýatty armııa – Jańa Qazaqstan!» uranymen osy aıqyndalǵan mindetterdi oryndaýǵa kiristi.
"Adyrna" ulttyq portaly
