Qazaqstannyŋ Äskeri doktrinasy qaita äzırlendı. Būl turaly Ortalyq kommunikasiialar qyzmetınde ötken brifingte QR Qorǧanys ministrınıŋ orynbasary general-leitenant Sūltan Qamaletdinov mälımdedı, dep jazady "Adyrna" ūlttyq portaly.
«Jaŋa Memlekettık josparlau jüiesıne säikes äskeri qauıpsızdık salasyndaǧy qūjattar qaita äzırlendı. Memleket basşysynyŋ tapsyrmasyn oryndau üşın qazırgı zamanǧy syn-qaterge säikes Äskeri doktrina qaita äzırlendı. «Qauıpsız el» ūlttyq jobasy äzırlendı. Osy joba şeŋberınde qaru-jaraqtyŋ elımızde şyǧarylǧan ülgısın daiyndau, oq-därı qoimasyn salu, qoldanystaǧy saqtau obektısın jetıldıru közdelgen. Jauyngerlık daiarlyq ıs-şarasy aiasynda «Batyl toitarys», «Aibalta», «Beket» oqu-jattyǧuy, «Altyn jebe» keşendı tekserısı, sondai-aq halyqaralyq äskeri yntymaqtastyq şeŋberınde «Eşelon», «Izdeu», «Özara ıs-qimyl» oqu-jattyǧuy ötkızıldı. Äskeri qyzmetşıler Belarus, Ündıstan, İordaniia, Qyrǧyzstan, Türkiia, Özbekstan jäne Resei elderınde ötken oqu-jattyǧuǧa qatysty. Sonymen qatar, Qaruly Küşter bölımşelerı jyl saiyn ötetın armiialyq halyqaralyq oiynǧa qatysuda. 34 eldıŋ komandasy arasynda bızdıŋ komanda jüldelı üşınşı orynǧa ie boldy», - dedı Sūltan Qamaletdinov.Sonymen qatar, el Prezidentınıŋ sailaualdy baǧdarlamasyn ıske asyru josparynda ozyq qarumen, basqaru jüiesımen jabdyqtalǧan tehnologiialyq mobildı armiia qūru, qorǧanys önerkäsıbın damytu, äskeri bılım men ǧylymdy jetıldıru, äskeri qyzmet bedelın, Qazaqstan armiiasynyŋ abyroiyn arttyru, jastarǧa äskeri patriottyq tärbie beru mındetı aiqyndalǧan. Äsker «Quatty armiia – Jaŋa Qazaqstan!» ūranymen osy aiqyndalǧan mındetterdı oryndauǧa kırıstı.
"Adyrna" ūlttyq portaly
