Qazaq ǧylymy men bılımınıŋ qaraşaŋyraǧy Ūlttyq ǧylym akademiiasy memleket qaramaǧyna qaitaryldy. Ükımetı tiıstı qaulyny qabyldap, Prezident maqūldady, dep habarlaidy premer-ministrdıŋ resmi saity. Būl jaily "Adyrna" ūlttyq portaly habarlady.
Qazaq elınıŋ Prezidentı elımızdegı ǧylym salasynyŋ jaǧdaiyna qatysty:
- Qazır qoǧamda qūr ataq üşın ǧylymi däreje alǧysy keletınderdıŋ bar ekenı jasyryn emes. Būl jaǧymsyz ürdıske ainalyp barady. Olar, şyn mänınde, ǧylymi ataqqa ie bolǧanymen, ǧylym jolyn jalǧastyrmaidy. Sonyŋ kesırınen memlekettıŋ qanşama qarajaty bosqa ketedı. Būǧan bırjola tosqauyl qoiatyn kez keldı. Bız ǧylymǧa şynaiy berılgen azamattardy ǧana qoldauymyz qajet, - dep pıkır bıldırgen edı.Endıgıde Qazaqstannyŋ Ūlttyq ǧylym akademiiasy jarǧylyq kapitalyna memleket jüz paiyz qatysatyn kommersiialyq emes aksionerlık qoǧamǧa ainalady. QR Ükımetı tiıstı qaulyny qabyldady. «Qazaqstan Respublikasynyŋ Ūlttyq ǧylym akademiiasy» KEAQ qyzmetıne:
- äleumettık-ekonomikalyq damu basymdyqtaryna säikes ǧylymi, ǧylymi-tehnikalyq jäne innovasiialyq qyzmettıŋ basym baǧyttaryn, sondai-aq Qazaqstan Respublikasyndaǧy strategiialyq, ırgelı jäne qoldanbaly ǧylymi zertteulerdıŋ basym baǧyttaryn aiqyndau jönındegı ūsynymdardy äzırleu;
- ǧylym jönındegı jyl saiynǧy ūlttyq baiandamany daiyndaudy jäne basyp şyǧarudy üilestıru;
- ǧylymdy damytu boiynşa forsaittyq zertteulerdı daiyndaudy jäne jürgızudı üilestıru;
- ǧylym salasynda atauly syilyqtar men stipendiialar aluǧa konkurstar ötkızu;
- ǧylym men tehnikanyŋ ärtürlı salalarynda ǧylymi zertteuler jürgızu;
- ǧylymi jurnaldar şyǧaru, halyqaralyq ǧylymi jäne ǧylymi-tehnikalyq yntymaqtastyqty damytuǧa qatysu;
- ǧylymdy tanymal etuge qatysu jäne t.b. kıredı.
"Adyrna" ūlttyq portaly
Ūqsas jaŋalyqtar
Qazaqstan men Ūlybritaniia sauda ainalymy 1,8 mlrd dollar. Prezident memlekettık ministrdı qabyldady
Qazaqstan
ǧylym men bılım
Ǧylym akademiiasy
memlekettık märtebe
Ūlttyq ǧylym akademiiasynyŋ märtebesı qaitarylady
ǧylym salasy
