QazUÝ-da Túrkitaný jáne Altaıtaný ǵylymı-zertteý ınstıtýty ashyldy

2440
Adyrna.kz Telegram

Ál-Farabı atyndaǵy Qazaq ulttyq ýnıversıtetinde Túrkitaný jáne Altaıtaný ǵylymı-zertteý ınstıtýty ashyldy, dep habarlaıdy «Adyrna» tilshisi.

Saltanatty ashylý Ál-Farabı kitaphanasynda ótti.

Jańadan ashylǵan ınstıtýtta sırek kezdesetin qoljazbalar men kóne kitaptardy keńinen zertteý jumystary júrgiziletin bolady. Máselen, «Ál-Farabı» kitaphanasynyń qorynda 600-den astam qoljazbalar tolyq zerttelmegen.

Ýnıversıtet rektory Janseıit Túımebaev sońǵy on jyl ishinde túrkitildes memleketterdiń memleketaralyq yntymaqtastyǵy erekshe damı túskenin atap ótti.

Túrkologııanyń ózekti máseleleri – túrki tilderin zertteý, Orhon, Enıseı, Talas, Altaı jazba eskertkishteri mátinin túpnusqadan qaıta oqý, túrki tilderiniń sabaqtastyǵyn kórsetý. Táýelsiz Qazaqstan kezeńindegi túrkologııanyń mamandyq retinde oqytylýy úlken jetistik boldy. Búgingi kongress aıasynda «Túrkitaný jáne altaıtaný ǵylymı-zertteý ınstıtýtyn» ashyp otyrmyz. Bul osy saladaǵy mamandar men jas ǵalymdardyń jańa zertteýlerine jol ashady, - dedi ol.

Sondaı-aq shara aıasynda «Álemniń etnotildik beınesi jáne túrki murasy» atty I halyqaralyq ǵylymı kongressi ótti. Ǵalymdar Qazaqstandaǵy jáne álemdegi túrkitaný men altaıtanýdyń ózekti máselelerin talqylady.

Alqaly jıynǵa qazaqstandyq ǵalymdarmen qatar Túrkııa, Ázirbaıjan, Qytaı, Qyrǵyzstan, Ózbekstan, Reseı, Majarstan memleketiniń zertteýshi ǵalymdary, tarıhshylar, memleket jáne qoǵam qaıratkerleri, BAQ ókilderi, QazUÝ-dyń oqytýshy-professorlar quramy men bilim alýshy jastary qatysty.

Pikirler