Joǧary jaq portfel bölısıp, tömengı jaq nan bölısıp jatyr. Qaşanǧa deiın?..
⠀ ⠀⠀ ⠀. *
Jylaǧym kelgen. Jas taba almadym.
⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀
⠀ ⠀⠀ ⠀⠀⠀ ⠀⠀ *
Aqşa da adamdy araq siiaqty mas qylady eken. Qazaqstanda osyndai «mastar» tym köbeiıp kettı. Qoldaryna tüsıp qaludan bırtürlı qorqasyŋ.
⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀
⠀ ⠀⠀ ⠀⠀⠀ ⠀⠀ ⠀*
– Şükır, bızdıŋ tūqymnan baqsy men aqyn şyqqan joq, – dep bır kökemız maqtanyp tūrdy.
⠀ ⠀⠀ ⠀⠀⠀ ⠀⠀. *
Az halyqtyŋ serkesı bolǧannan, köp halyqtyŋ erkesı bolǧan jaqsy eken ǧoi.
⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀⠀
⠀ ⠀⠀ ⠀⠀⠀ ⠀⠀ *
Halyqty joqşylyq emes, toqşylyq qūrtady. Azdyrady. Būl – erte dünie tarihynan mälım qūbylys.
⠀ ⠀⠀ ⠀⠀⠀ ⠀⠀ *
Bır jaryq jūldyz tusa, mındettı türde qarsy jūldyz tuady. Būl aspan älemınde däleldengen şyndyq. Osy qarsylyqty ömırde de köp kördım.
*
Talǧamsyz köp tobyr üşın jaza almai qoidym. Al olar men süigen biıktıkke köterıle alar emes. Ekı ortada auasyz bos vakuum jatty. Bırımızdıŋ dausymyzdy ekınşımız esti almadyq. Sonda sanauly top üşın ǧana qalam ūstaimyn ba?!
⠀ ⠀⠀ ⠀⠀⠀ ⠀ *
Bır baqyt maǧan da kele jatqan şyǧar dep jol boiynda ūzaq tostym. Jolamai qoidy. Menı Batyraş pen Qotyraş dep oilaidy-au deimın.
⠀ ⠀⠀ ⠀⠀⠀ ⠀⠀ *
Aman-saulyq sūrasqan bır tanysqa: «Jürıp jatyrmyz, uaqytşa», – dep em. Şoşyp kettı.
– Qalaişa uaqytşa? – dep.
Oǧan ne aituǧa bolady?
⠀ ⠀⠀ ⠀⠀⠀ ⠀⠀ *
Taŋerteŋ ainaǧa qaraimyn. Betınde it tırlıktıŋ ızı qalǧan bır şal tūrady. Basymdy alyp qaşamyn. Barlyq jas däuren ainanyŋ arǧy jaǧynda qalǧan siiaqty.
⠀ ⠀⠀ ⠀⠀⠀ ⠀⠀ *
Abai atam «Qartaidyq, qaiǧy oiladyq, ūlǧaidy arman» dep qyryq jastan öte bere jazypty. Naǧyz qairaty tasqan kez ǧoi. Nege olai aitty dep köp oilandym. Aqyry özınen jasy ülken Dılda şeşemızdı alǧan soŋ köŋılı qartaiyp qalǧan şyǧar dep şeştım.
⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀⠀
⠀ ⠀⠀ ⠀⠀⠀ ⠀⠀ *
Toi-topyrda jastarǧa jūrt siiaqty «Baqytty bolyŋdar» dep tılek aitamyn. Baqyttyŋ ne ekenın şyndap kelgende özım de bılmeimın. Bälkım, bızdıŋ jaqta joq zat şyǧar?!
⠀ ⠀⠀ ⠀⠀⠀ ⠀⠀*
Mahambettıŋ basyn şauyp jıbergende jerge domalap, «Qap, qap, qap!» dep söilep bara jatty desedı. Alqūlym şaqta bızdıŋ auzymyzǧa qandai söz ılıner eken?
⠀ ⠀⠀ ⠀⠀⠀ ⠀⠀*
«Aqyryn tıle» desetın būrynǧy şaldar. Allekem aljytpai alsa eken.
Molda dem salyp, janymyzda medet tılep jäudırep otyrǧan ūrpaǧymyzǧa tırlıkte jasaǧan kınä men künämızdı tızıp aityp, masqara bolmasaq jarar...
⠀ ⠀⠀ ⠀⠀⠀ ⠀ *
Teŋız de kırleidı. Aidyn betın şöp-şalam, synǧan aǧaş, ölgen balyq pen qūs, tögılgen mūnai qaldyǧy basady. Künderdıŋ künınde dauyl köterıledı. Tolqyn bıtken arystan jaldanyp ökırıp-baqyryp jaǧalauǧa ūmtylady. Älgı kır-qoqystyŋ bärın äkelıp adamdardyŋ özıne laqtyrady. Tazaryp baryp tynym tabady. Sosyn bäz-baiaǧy qalpynda jarqyraidy da jatady.
Bızdıŋ qoǧam da tap osyndai tazarudy kütıp tūr.
⠀ ⠀⠀ ⠀⠀⠀ ⠀ *
Bır top üirek bır köldı tastap, dür etıp köterılıp, ekınşı kölge qarai ūşyp barady deidı. Jolai sūŋqar kezıgıp sūraidy: «Qaida bet aldyŋdar?» – dep. Sonda üirekter: «Qūrysyn, myna köl sasyp kettı. Ana köl taza, soǧan baramyz», – desedı. Sūŋqar aitty deidı: «Myna kötenderıŋ aman bolsa ony da sasytarsyŋdar», – dep.
Oblystan oblysqa, ministrlıkten ministrlıkke ūşyp-qonyp tük bıtırmei jürgen bıreulerdı körsem ylǧi da osy äpsana esıme tüsedı.
Rahymjan Otarbaev
