15 jeltoqsanda kınematografııa tarıhyndaǵy eń joǵary kassaly jáne kórermender tarapynan zor súıispenshilikke ıe bolǵan «Avatar» fılmi jańartylǵan beınede, óńdelgen dybyspen memlekettik tilde qalyń kórermenge jol tartty. Alaıda týyndynyń qazaq tilindegi seansyna qoıylǵan ýaqyt kópshiliktiń narazylyǵyn týdyrdy, dep habarlaıdy «Adyrna» tilshisi.
Belgili jýrnalıst Maqsat Tolyqbaıdyń aıtýynsha, qazaqsha sóıleıtin «Avatar» kómekke muqtaj.
«Fılm kúndiz, el jumysta júrgen ýaqytqa, 14:30-ǵa bir ret qoıylypty. 20-dan astam kórsetilimniń tek biri ǵana qazaqsha! Orys tilinde bolmasyn dep otyrǵan joqpyz, biraq kem degende tepe teńdik saıasaty bolýy kerek qoı?! Osydan keıin, qazaqsha dýblıajǵa eshkim barmaıdy dep qorytyndy shyǵara sala ma? Bul áste durys emes. Yńǵaıy kelse, seansty tańdaıyq, baraıyq. Suranystyń baryn kórsin»,—dedi ol.
Bul pikirdi jeli qoldanýshylary da qoldady.
«Almatyda Avatardyń orysshasy 1100 teńgeden, qazaqshasy 2000 teńgeden bastalady. Baǵada da dıskrımınaııa. Bir kem dúnıe..», «Jekeshelenip ketken kınoteatrlar men qojaıyny belgisiz jańa kınoteatrlardyń máselesin qaıtadan qarý kerek!»— dep pikir bildirdi oqyrmandar.
