2019 jylǵy qańtar men naýryz aralyǵynda 2002 jyly týǵan 7000 Qazaqstandyqtardy áskerı esepke tirkeý tártibi boıynsha áskerı esepke alynady.
Azamattardy áskerge shaqyrý ýchaskelerine tirkeý – bul áskerge shaqyrý jasyna deıingilerdi áskerı esepke qoıý úshin jergilikti áskerı basqarý organdarymen birlesip, tıisti jergilikti atqarýshy organdar júrgizetin áskerı esepke alý is-sharalary bolyp tabylady.
Tirkelý jyly 17 jasqa tolatyn Qazaqstan Respýblıkasynyń er azamattary áskerge shaqyrý ýchaskelerine tirkelýge jatady. Tirkeýge kelý týraly azamattardy habarlaý jergilikti áskerı basqarý organdarymen shaqyrý qaǵazy arqyly júrgiziledi. Jergilikti áskerı basqarý organdaryna shaqyrylatyn barlyq azamattar shaqyrý qaǵazynda kórsetilgen qujattarmen ýaqytynda shaqyrý ýchaskesine keledi.
JÁBO ýákildi tulǵasy usynylǵan qujattar boıynsha azamattarmen áńgimelesý júrgizedi.
Sonymen qatar, odan ári azamattardy áskerge shaqyrý ýchaskelerine tirkeý kezinde áskerı qyzmetke jaramdylyq dárejesin belgileý úshin Áskerı-dárigerlik saraptamany júrgizý qaǵıdalarynda aıqyndalǵan tártippen medıınalyq komıssııadan ótedi.
Shaqyrý ýchaskesine tirkeýge alynǵan azamattarǵa shaqyrý ýchaskesine tirkeý týraly kýálik beriledi. Tirkeýge alý barysynda QR QM JOO-na túsý boıynsha úgit-nasıhat jumystary júrgiziledi. Jastarǵa áskerı qyzmettiń jetistigi týraly aıtylady. Azamattardy shaqyrý ýchaskesine tirkeý Qazaqstanda jyl saıyn ótkiziledi. Áskerı tirkeý kezinde Qazaqstan Respýblıkasy Qorǵanys mınıstrliginiń joǵary oqý oryndary men Kadet korpýsyna, basqa da áskerı oqý oryndaryna túsýge, ony aıaqtaǵan soń bolashaǵy týraly úgit-nasıhat jumystary júrgiziletinin atap ótken jón.
Almaty qalasy Qorǵanys isteri jónindegi departamentiniń baspasóz qyzmeti
