Búgin Ekibastuz qalasynyń jylýsyz qalǵan turǵyndaryna «AMANAT» partııasynan kezekti gýmanıtarlyq kómek jiberildi. Bul – 200 jylytqysh, 400 jyly kórpe, 100 batareıa jáne basqa da qajetti zattar.
Aıta ketý kerek, Ekibastuzda bir aptadan astam ýaqyttan beri volonterler shtaby jumys istep tur. Shtabta «Jastar Rýhynyń» jáne ózge de uıymdardyń ókilderi jumys isteıdi.
«Osyndaı qıyn kezde jaǵdaıǵa beıjaı qaramaı kómekke kelip jatqan meenattar, ÚEU, qazaqstandyqtardyń qatary kóp. Ekibastuzdaǵy jylýsyz qalǵan úılerge 4,5 myńnan astam jylytqysh jetkizildi, onyń 2,5 myńy elimizdiń ár óńirindegi amanattyqtardyń tarapynan berildi. Olardyń árqaısysy muqtaj otbasylarǵa jetkiziledi. Bul jumys qaladaǵy jaǵdaı tolyq turaqtalǵanǵa deıin jalǵasady», – dep atap ótti «AMANAT» partııasy Pavlodar oblystyq fılıalynyń atqarýshy hatshysy Ilıa Terenchenko.
Ol gýmanıtarlyq kómek bir ortalyqtan taratylatynyn atap ótti. Jylytqysh alýǵa ótinimder tek volonterler shtabynyń +77054057128, +77779965010 baılanys nómirleri nemese Ekibastuz qalasy, Pavlodar kóshesi, 10 úı mekenjaıy boıynsha qabyldanady.
