"Samuryq-Qazyna", "QazMunaıGaz" jáne Franııanyń Total Eren kompanııasy Qazaqstannyń ońtústik-shyǵysynda jel parkin salý týraly kelisimge qol qoıdy. Eki el arasyndaǵy kelisimge qol qoıý rásimine Qasym-Jomart Toqaev ta qatysty, dep habarlaıdy “Adyrna” ulttyq portaly.
“Qazaqstan Respýblıkasynyń Energetıka mınıstrligi men Franııanyń Eýropa jáne syrtqy ister mınıstrligi arasynda Jambyl oblysynda qýaty 1 GVt bolatyn jel elektr stanııasyn salý máseleleri týraly Úkimetaralyq kelisimge qol qoıyldy. Jel elektr stanııasy 2026-2027 jyldary paıdalanýǵa beriledi, bul bizdiń elimizdegi JEK nysandarynyń jıyntyq energııa óndirisin shamamen 50 paıyzǵa arttyrady. Jobanyń boljamdy quny – 1,9 mıllıard dollar”, – delingen habarlamada.
Málimet boıynsha, Qazaqstanda alǵash ret jel elektr stanııasy elektr qýatyn jınaqtaý júıesimen tolyqtyrylady. Bul joba jańartylatyn energııa óndirisiniń tabıǵı qubylmalylyǵyn retteýge, artyq elektr energııasyn jınaqtaýǵa jáne energııa jelisiniń turaqtylyǵyn qamtamasyz etýge múmkindik beredi.
