Arqanyŋ arystan jürektı azamaty qaqaǧan qysta suǧa batqan bırneşe adamdy qiyndyqtan taisalmai, közsız erlıkpen qūtqaryp qaldy. Onyŋ şarbolat ruhty bolmysyna bas iıp, batasyn berıp jatqandardyŋ qarasy qalyŋ. Qasymyzda jürgen qaharman Orazalynyŋ airyqşa hikaiasyn jurnalist Nūrlyhan Qalqaman köpşılıkke paş ettı. Būl jaily “Adyrna” ūlttyq portaly habarlaidy.
Jurnalist Nūrlyhan Qalqaman jol-saparda bolǧan jarqyn erlık pen örlık oqiǧasyn tömendegıdei suretteidı:
- Myna jıgıt bügın köptıŋ qolynan kelmeitın erlık jasady. Yzǧary bet qaratpaityn qaqaǧan aiazdy mūzdai suǧa üş ret süŋgıp, bırneşe adamdy tura kelgen ajaldan araşalap qalǧan. Oqiǧa bylai bolǧan ǧoi, taŋerteŋ bır top adam taksimen Ǧabiden Mūstafin auylyna qarai jolǧa şyǧady. Kölıkte aiaǧy auyr kelınşek, bes jastaǧy qyz jäne älı tösten şyqpaǧan näreste bolǧan. Ainalma joldyŋ sapasy tym tömen. Jūrt qys tüskende Nūra özenınıŋ üstımen tura jürudı ädetke ainaldyrǧaly qai zaman. Taksidıŋ şopyry da sol ädetke salyp, mūzǧa şyǧady. Bıraq, jol ortasyna kelgende mūz şytynap, kölık suǧa ketken. Sol kezde aldyŋǧy orynda otyrǧan Orazaly Asylhanov dereu qauıpsızdık belbeuın şeşıp, aiaǧy auyr kelınşektı qūtqaryp qalady. Artynşa qaiyra suǧa süŋgıp, ekınşı kelınşektı alyp şyǧady. Keiın üşınşı ret mūzdai suǧa süŋgıp, säbi men bes jastaǧy qyzdy jaǧalauǧa jetkızıp, esınen tanyp qalǧan qyzǧa alǧaşqy kömektı de körsetken.
Keiınnen jurnalist Otany üşın otqa tüsıp, ülken şaŋyraǧynyŋ amandyǧy üşın şoq basuǧa daiar azamattyŋ būǧan deiıngı erlıgın baian etedı:
- Orazalynyŋ erlıgı būl ǧana emes. Anasynyŋ aituynşa, jazda Nūraǧa batyp bara jatqan ekı qyzdy qūtqaryp qalypty. Özı äskerden qaitqaly köp bola qoimapty. Qūtqaru qyzmetıne jūmysqa tūrǧysy kelıp, ornalasa almai jür eken... Osyndai jıgıtter baratyn-aq jer ǧoi, şırkın...
Qalyŋ oqyrman Orazalynyŋ jolyna joq bıtpei, merei-märtebesıgıŋ üstem boluyna tılektestık tanytyp jatyr. Halqy azamattyŋ dıttegen maqsatyna jetıp, sözsız, qūtqaru qyzmetınıŋ mamany atanaryna da senımdı.
Jazba soŋynda:
“Osyndai jıgıttı tärbielep otyrǧan ata-anasyna myŋ alǧys! Naǧyz batyr osyndai bolady. Baqytty bolsyn, armany oryndalsyn!”,
“Qūtqaru qyzymetıne ornalasuyna laiyq, batyl da batyr jıgıt, aman jür, ainalaiyn!”,
“Otqa küimeitın, suǧa da batpaityn osyndai Er-jıgıtter qazaqta köp qoi, şırkın. Ätteŋ, ony baǧalaityn memleket bolmai tūr”,
“Qazaqtyŋ jıgıtterı - myqty! Keibır qyzdar solardy mensınbei, qazaqşa söilegenın ūnatpai şetke ketıp jatyr. Bır kem dünie degen osy” dep jazdy tıleuqor oqyrman qauym.
“Adyrna” ūlttyq portaly
