«Halyq qalasa han túıesin soıady». Halyq danalyǵy
Keshe ǵana "Adyrna" ulttyq portalyna Pavlodar aýdany Jana qala aýylynyń turǵyndary hat joldap, mektep dırektory Koltaı Kalelhandy jumystan negizsiz shyǵaryp jatqanyna narazylyqtaryn bildirgen edi.
Bul másele áleýmettik jelilerde qyzý talqylanǵan bolatyn. Oblystyq bilim berý Bilim Basqarmasynyń basshysy Dinıslam Bolathanuly bul máseleni óz baqylaýyna alǵanyn aıtqan bolatyn. Búgin Jańa qalada basqarma basshysy, prokýror, aýdan ákiminiń orynbasary, máslıhat depýtattary turǵyndarymen kezdesip, jıyn ótkizip, buǵan deıin shyǵarylǵan buıryqtyń kúshin joıyp, dırektordy ornynda qaldyratyn bolypty. Máseleni ýshyqtyrmaı tez arada ońtaıly sheshkeni úshin bilim berý basqarmasynyń basshysy Dinıslam Bolathanulyna eldiń atynan alǵys aıtamyz!
"Adyrna" ulttyq portaly