Robot qurastyrýshylardyń dúnıejúzilik olımpıadasy bar. World Robot Olympiad. 2004 jyldan beri ótedi. Qazaqstannyń oqýshylary 2014 jyldan beri qatysyp keledi.
Bıyl alǵash ret oqýshylarymyz júldeli ekinshi oryndy ıelendi. Bul olımpıadany jeńbek túgili qatysý úshin joldama alýdyń ózi ońaı emes. Dúnıejúzinen 15 myńnan asa komanda qatysyp, 73 elden tek qana 365 komanda joldama alǵan.
Germanııada ótken saıystyń fınalyna Shymkenttiń Jambyl Jabaev atyndaǵy №26 mektebi men №9 IT-lıeıadiń oqýshylary Imanǵalı Myńjasar men Bıbarys Mıhash shyǵyp, ekinshi oryn aldy.
Bul - elimizdiń bilim júıesindegi úlken jetistik. Qazir bilim salasynda júrip jatqan reformalar, muǵalimder mártebesi, bilim salasyna kelip jatqan ınvestıııa jetistikterge jeteleıtini haq.
Aıta ketý kerek, sońǵy jyldary Shymkent qalasynyń mektepterine arnaıy kabınetter kóptep alynyp jatyr. Qazirgi tańda qaladaǵy 127 mektepte robototehnıka kabıneti bar. Oqýshylar bos ýaqytynda robot qurastyrýmen aınalysady.
Bostonda eki jyl turǵanymda robottardy ıtshe júgirtip qoıǵan Boston Dynamics-tiń jumystaryn kórip, bolashaqtyń kilti kim robot qurastyra alady sonyń qolynda eken degen oı kelgen. Sonymen birge CRISPR gendi túzeý bıotehnologııasynyń qalaı damyp jatqanyn kórip otyrsań, bilimdi jurttyń ǵana keleshegi kemel bolatyny kámil.
Sondaı-aq osymen mine úshinshi jyl Shymkent qalasyndaǵy mekterterdiń bastaýysh synyptaryna shahmat synyptary ashyldy. Aptasyna bir ret 1-4 synyp oqýshylary mindetti túrde shahmat sabaǵyna qatysady. Bul óz kezeginde basqa da pánderdi ıgerýge septigin tıgizip jatyr. Aldaǵy ýaqytta myqty shahmatshylar Shymkentten shyǵyp jatsa tańǵalmańyz.
Jalpy Qazaqstandaǵy árbir besinshi oqýshy qazaqy ońtústik óńirdiń mektepterinde oqıdy. Demek el ekonomıkasyn kóterý úshin aldymen ońtústiktiń bilim júıesin kóterý kerek dep oılaımyn jáne solaı bolyp ta jatyr.
Shyńǵys MUQAN
