Qarashanyń 14-juldyzynda “Adyrna” qoǵamdyq qorynyń uıymdastyrýymen “Jastardy áleýmettendirý jáne ońaltý” aıasynda QazUÝ-dyń jýrnalıstıka fakýltetinde ótken mobılograf - Islam Imanalıdiń sheberlik saǵatynda “Kıno&Medıa” mamandyǵy tóbe kórsetti. Sheberlik saǵatynda belgili mobılograf Qyran Talapbektiń túlegi Islam mobılografııany úırený bizge nesimen tıimdi ekenin, alǵashqy tabysty qalaı, qaıdan tabý kerek ekenin úıretti.
Islamnyń aıtýynsha, mobılografııany tek tabys kózi retinde qarastyrmaý úshin damýshy ortamen qarym-qatynasta bolý kerek, ıaǵnı jeke mobılograf retinde óz qyzmetińdi usynǵanda, óziń úshin qyzyqty, tanymdyq ortany tańdaý kerek. Ol sán salony, bilim berý ortalyǵy, tildik kýrstar nemese koých-trener, jeke kásipker, avtobloger, psıholog bolýy múmkin. Bul arqyly ózińe paıdaly aqparatty tegin alý múmkindigine ıe bolasyń, ári óz qyzmetiń úshin jalaqy tólenedi. Sondyqtan, mobılografııany adamnyń jan-jaqty damýyna septigin tıgize alady der edim. Mobılografııa kýrsyn bitirdim, ári qaraı ne isteımin deıtinderge mynadaı keńes berdi: “ınstagram arqyly óziń jumys istegiń keletin jerlerge jazyp, aıyna 70-80 myń teńgege óz qyzmetińdi usyn. Kóp jaǵdaıda olar usynysyńdy qabyldaıdy, sebebi arzan baǵamen kompanııany tez damytyp alamyz, seni paıdalanyp jatyrmyz dep oılaıdy. Shyn máninde, biz olardy paıdamyzǵa asyryp, jalaqysy bar tájirıbeden ótip alamyz.
Islam da basynda 70-80 myń jalaqyǵa jumys istese, qazir aıyna 400-500 myń tabys tabady.
Sondaı-aq bizge mobılografııanyń negizgi sharttaryn úıretti, olar:kamerany súrtý, fokýsty bekitý,ekspozıııany retteý, vıdeony 60 kadr sekýndyna jyldamdyqpen túsirý. Osy sharttardy ustana otyryp “Kıno&medıa” stýdentteri qysqa rolıkter túsirip, sertıfıkattarmen marapattaldy.
Bul sharaǵa “Adyrna” ulttyq portalynyń prezıdenti Arman Áýbákir qatysyp, izgi tilegin bildirdi. Sharanyń bolashaq kınosynshylar men rejısserler úshin paıdasy kóp boldy.
Jańa mamandyqtar kóz ilespeıtin jyldamdyqpen kún saıyn paıda bolyp jatyr, biz de zaman qarqynan qalmaýymyz kerek.
ál-Farabı atyndaǵy Qazaq ulttyq ýnıversıtetiniń jýrnalıstıka fakýlteti “Kıno&Medıa” mamandyǵynyń 1-kýrs stýdenti - Senbek Aqmaral.
Jetekshisi: aǵa oqytýshy, kýrator - N.B.Rýshanova
