Prezident Qasym-Jomart Toqaev Türkı memleketterı ūiymynyŋ sammitıne qatysu üşın Samarqand qalasyna jūmys saparymen bardy, dep habarlaidy «Adyrna» tılşısı Aqordaǧa sılteme jasap.
Ol Türkı memleketterı ūiymynyŋ Sammitı aiasynda Majarstan Premer-ministrı Viktor Orbanmen kezdestı.
Memleket basşysy Qazaqstan men Majarstan arasyndaǧy qarym-qatynasty, onyŋ ışınde ekonomikalyq yntymaqtastyqty odan ärı nyǧaituǧa niettı ekenın bıldırdı.
– Bızdıŋ elder arasyndaǧy bailanys jaqsy damyp kele jatyr. Äitse de bız ekı memlekettıŋ yntymaqtastyǧyna tyŋ serpın beruımız kerek dep oilaimyn. Äsırese, aradaǧy sauda ainalymynyŋ kölemı älı de qanaǧattanarlyq deŋgeide emes. Būl baǧytta ekı eldıŋ de äleuetı zor. Majarstan – Qazaqstan üşın maŋyzdy serıktes el. Sız Premer-ministr retınde bızdıŋ türlı saladaǧy yntymaqtastyǧymyzdy ılgerıletuge köp eŋbek sıŋırıp kele jatqanyŋyzdy bılemın, – dedı Memleket basşysy.Öz kezegınde Majarstan Premer-ministrı Viktor Orban ekıjaqty kezdesudı ūiymdastyrǧany üşın Qazaqstan tarapyna alǧys aitty.
– Qazaqstan men Majarstan arasyndaǧy qarym-qatynastyŋ orny erekşe. Men osydan bırneşe jyl būryn alǧaş ret Premer-ministr qyzmetın atqarǧanda Qazaqstan men Majarstannyŋ mädeni, ekonomikalyq bailanystary öte berık bolǧanyn bılemın. Endı ekı eldıŋ yntymaqtastyǧyna biznes ökılderı tyŋ serpın beruı kerek. Qazaqstannyŋ ırı kompaniialary Majarstanǧa investisiia qūisa, ekonomikalyq qarym-qatynasymyz jaŋa deŋgeige köterıler edı, – dedı Majarstan Premer-ministrı.Kezdesude Qazaqstan men Majarstan arasyndaǧy mädeni-gumanitarlyq bailanystar, sondai-aq halyqaralyq jäne aimaqtyq kün tärtıbındegı mäseleler talqylandy.
