“10 mln qazaqqa aqyl aıtatyndaı kimmin?”: Jeli qoldanýshysy jylqy týraly shýly jazbasyna jaýap berdi

6211
Adyrna.kz Telegram

Feısbýk áleýmettik jelisinde Serik Boqan emimdi azamattyń jylqy etin jeýden qazaq halqyn saqtandyrǵan jazbasy taraǵan edi. Kópshiliktiń ashýyna tıgen jazbaǵa  avtordyń ózi túsinikteme berdi, dep habarlaıdy “Adyrna” ulttyq portaly.

Jaqynda Facebook paraqshama bir post saldym. Bul jazba sonsha adamnyń nazaryn aýdaryp sensaııa týdyratynyn oılamappyn. “Adyrna” saıtynda shyǵyp, ınstagram, kanaldarǵa, vatsap toptar men feısbýktyń 250 myńdyq toptarynyń birazyn aralap shyqqan. Onda otyrǵan jeli qoldanýshylarynyń kóbi jazǵan maqalaǵa emes, taqyrypqa ǵana qaraǵan, oqýǵa sabyry jetpeı meni aıyptaı bergen. Árıne, olardyń árip tanyp turyp oqýǵa yntyqpaǵanyna men aıypty emespin. Meniń feısbýktaǵy keıingi boıaýy qalyń jazbamdy kórgen bolý kerek, saıttyń jetekshisi Arman Áýbákir baýyrymyz saıtqa óz oıymdy qaıta jazýdy qoldaıtynyn, BAQ tártibi boıynsha beıtarap kózqaras ustanatynyn aıtypty.

Jylqy etin jemeý týraly Qytaı medıınasy, bes myń jyldyq reepti kórsetip, ony jeýden qaıtarǵan jarty saǵattyq vıdeosyn kórip shok boldym. Sebebi, bizdiń eń súıkti as mázirimiz. Taǵy da aıtamyn: tutynýdan jylqy etin men qaıtarǵam joq...

Qudaı-aý, men “jylqy etin jemeńder”, dep 10 mln qazaqqa aqyl aıtatyndaı kimmin? Men dáriger bolmasam, Tóreǵalı Sharmanov sııaqty ulttyq azyq-túliktiń quramyn zertteýshi ǵalym bolmasam, men tek ”medıına mamandary, laborotorııa arqyly azyq quramyn zertteýshiler sóılep, dáleldep jatqan soń, sendim”, dedim. Bir nársege sený qylmys emes. Sebebi, naǵyz ǵylymda shekaraǵa shektelý, ulttyq tar sheńberlik, násildik dogma bolmaıdy. Ol adamzatqa ortaq. Eger sol vıdeodaǵy ǵalym dárigerdi estiseńiz, men emes,  siz de senip qalasyz...”,- dep jazdy ol.

Sondaı-aq, avtor kórgen vıdeosy arabqa túk qatysy joq, tóte jazý ekenin de aıta ketti.

“Óz kózqarasymdy qashanda ashyq aıtamyn. Mysaly, “aldaǵy saılaýda prezıdent bolýǵa Toqaevty qoldaımyn” degen postyma sanaýly ǵana laık basyldy. Qazir jeli qoldanýshylary bilip alǵan, bılikke qarsy sóz jazsa surapyl laık jınap, qoldaýǵa ıe bolatynyn.

Atalmysh shýly jazbada Qytaı qazaǵy qoldanatyn tóte jazý men qytaısha sýretti arabpen shatastyryp, jónsiz arabqul dep aıyptaǵandar jazbany taǵat qylyp oqysyn demekpin. Munyń arabpen tozańdaı qatysy joq. Qaıta qytaı ǵalymdarynyń qortyndysy.

Al ıslamda jylqy etin tutynýǵa esh shekteý joq. Osy taqyryp aıasynda dindi arabpen shatastyryp jatatyndar bar. Bul úlken qatelik, din aldymen jyndar álemine, odan keıin adamzatqa tústi. Bir qudaıshylmyn, Allahqa serik qospaımyn, Qudaıǵa senem, Allah tarapynan úlken bir sottyń bolatynyn bilemin, amal etemin, Esh serigi joq Allahqa ıman keltirgem. Allahtyń sheksiz nyǵymetterin paıdalanyp turyp Qudaıdyń buıyryǵyn oryndamaý, namaz oqymaý qylmys ekenin bilemin”,- dedi jeli belsendisi.

Sonymen qatar, ol Bekbolat Tileýhandy qaralap jazatyndarǵa qapaly.

“El jaqsylaryn únemi istikke shánship jatqan, ysaly tutas aqparat Bekbolat Tileýhan aǵamyzdy kúndiz-túni qaralap jatady. Sol kisiniń sýretin qoıý arqyly kanaldar men saıttarda ótpeıtin aqparattaryn telip jatady. Aqıqatyn aıtar bolsaq, sol kisiden zardap kórgen bir adam bolsa, maǵan taýyp bersinshi? Qaıta araqtan, qumar oındarynan, sengishtikterinen, paryqsyzdyqtan, izgilikke umtylmaýdan qorlyq kórip kele jatqan joqpyz ba? Alaýyzdyqtan ne taptyq? Keregi jaqsylyqtyń kózin qurtý bolsa qurtarsyń, biraq minezińdi qaıtersiń?!”,- dep qorytyndylady.

Pikirler