Qazaqstan men Europalyq Odaq tūraqty şikızat, batareialar jäne «jasyl» sutek qūny tızbegı salasyndaǧy strategiialyq ärıptestık boiynşa özara tüsınıstık turaly memorandum bekıttı. Būl turaly QR Premer-Ministrınıŋ baspasöz qyzmetı habarlady, dep jazady "Adyrna" ūlttyq portaly.
Qūjatqa Mysyrda Klimattyŋ özgeruı jönındegı jahandyq konferensiianyŋ (COP27) Älem köşbasşylary sammitı aiasynda QR Premer-Ministrı Älihan Smaiylov pen Europalyq komissiia Prezidentı Ursula fon der Liaien qol qoidy.
Premer-Ministr öz sözınde jaŋa memorandumnyŋ maŋyzdylyǧyn atap öttı.
«Qūjatqa qol qoiu Qazaqstannyŋ EO önerkäsıptık alianstarymen qarjylyq jäne tehnologiialyq yntymaqtastyǧyn ornatuyna jaǧdai jasaidy. Jalpy, bızdıŋ elımız Europalyq biznes üşın tartymdylyǧy joǧary qajettı faktorlardyŋ bärıne ie, onyŋ ışınde ärtaraptandyrylǧan energiia közderı men joǧary tranzittık-kölıktık äleuet bar», — dedı Älihan Smaiylov.Sondai-aq ol Europalyq Odaq – Qazaqstannyŋ eŋ ırı jäne maŋyzdy sauda serıktesı bolyp qala beretının, elımızdıŋ syrtqy saudadaǧy ülesınıŋ şamamen 30%-y Euroodaqqa tiesılı ekenın aitty.
«Sonymen qatar bügınde investisiialyq yntymaqtastyqty arttyru jäne özara sauda kölemın ūlǧaitu boiynşa aitarlyqtai äleuet baryn körıp otyrmyz», — dedı Premer-Ministr.Öz tarapynan Ursula fon der Liaien Euroodaq Qazaqstan ekonomikasynyŋ eŋ ırı investorlarynyŋ bırı bolyp tabylatynyn, sondai-aq bügın qol qoiylǧan memorandum būl qatynastardy odan ärı keŋeite tüsetının atap öttı.
«Bız osyǧan deiın qalyptasqan özara tereŋ qarym-qatynasymyzdyŋ jaŋa paraǧyn aştyq. Europalyq Odaq pen Qazaqstan köp jyldan berı berık ekonomikalyq bailanystardy damytyp keledı. Bız strategiialyq öndırıstık tızbekterımızdıŋ integrasiiasyn nyǧaitu baǧytynda bırge jūmys ısteimız. Būl sirek kezdesetın jer elementterın öndıruge, akkumuliator öndırısıne jäne "jasyl" sutekke qatysty», — dedı Ursula fon der Liaien.Onyŋ aituynşa, būl öndırıstık tızbekter bükıl älemde «jasyl» jäne sifrlyq özgerısterdıŋ qozǧaltqyştary bolyp tabylady.
«Mysaly, bız akkumuliatorlardyŋ elektromobilder üşın nemese jaŋartylatyn energiiany saqtau üşın qanşalyqty maŋyzdy ekenın bılemız. Sondyqtan däl qazır yntymaqtastyǧymyzdy nyǧaitu üşın qolaily sät», — dedı Europalyq komissiia Prezidentı. Ol özara tüsınıstık turaly memorandum ūzaq merzımdı ärıptestık qatynastardy damytuǧa baǧyttalǧanyn atap öttı.
"Adyrna" ūlttyq portaly
