Eldıŋ ruhyn köterıp, jūrttyŋ jıgerın oiatatyn qūndy jädıgerler tabyldy, dep habarlaidy «Adyrna» tılşısı «Habar 24»-ke sılteme jasap.
Atap aitsaq, ǧalymdar şeteldık mūraǧatty aqtaryp, Qazaq handyǧynyŋ köne kartasy men Būryndyq hannyŋ hattaryn elge äkeldı. Arab qarıptermen jazylǧan būl jädıgerler qazır Ūlttyq mūraǧat qorynda saqtalyp tūr. Jyl basynan berı mūnda barlyǧy 7 myŋnan asa tarihi-baǧaly qūjattar jetkızılgen. Tabylǧan jädıgerlerdıŋ eŋ könesı 973 jyly paidalanylǧan. Qazır būl jūmystarmen ǧalymdar men audarmaşylar ainalasyp jatyr. Būryndyq hannyŋ hattaryn da mamandar maişammen tekserude. Tarihşylardyŋ aituynşa, būl derekter tarihymyzdy aiqyndap, täuelsızdıktı tūǧyrly etedı. Olar jädıgerlerdıŋ jūmbaǧyn şeşken boida, köpşılıkke habarlaimyz dedı.
Tarihy tereŋde jatqan qūjattardyŋ bır bölıgı bügın «Arhiv – el tarihynyŋ qazynasy» konferensiiasynda körsetıldı. Şarada Ahmet Baitūrsynovtyŋ 12 tomdyq şyǧarmalary jäne «Arhiv-2025» jobasy aiasynda şyǧarylǧan jinaqtardyŋ tūsaukeserı öttı.
«Sol qor arqyly bız bolaşaqta ony ǧylymi ainaluǧa engızu, zertteu, jūmystaryn bastaityn bolamyz. Ol bırınşı kezekte sifrlandyrylady. Sonymen bırge arnaiy baza bolady. Sonda ǧalymdar ony qaşyqtan oqyp, qaşyqtan zertteu jūmystaryn jürgıze alady. Bızde jyl aiaǧyna deiın jalǧasady. Bızde qazır 25 memleketke baryp qaitty. Onyŋ ışınde TMD elderı, jäne bızdıŋ negızgı qūjattar Resei, Europa arhivterınde jatyr»,—dedı QR Mädeniet jäne sport ministrlıgı komitet töraǧasy Quat Boraş.
