Öskemen garnizonyndaǧy oqu-jattyǧu poligonynyŋ bastyǧy kapitan Rai Orazbekov qolöner şeberı retınde qalyŋ jūrtqa tanymal. Zaisan qalasynyŋ tumasy oquşy kezınen suretke beiım edı. Ol Almaty qalasyndaǧy Qūrlyq äskerlerınıŋ äskeri institutynyŋ kursanty atanǧan şaǧynda da boiyndaǧy önerın joǧaltpady. Kerısınşe damytyp, suret saludan bölek, müsın jasauǧa maşyqtandy. Alaida, bılım ordasynda şyǧystyŋ şymyry būl qasietımen tanyla qoimady.
2019 jyly Gvardeisk garnizonynyŋ 30212 äskeri bölımınen Öskemen qalasyndaǧy 27943 äskeri bölımıne auysqan şaqta ǧana talanty töbe tanytady. Öŋırlık qolbasşylyqtan ärbır äskeri bölımge qalaşyqta qardan müsın jasaŋdar degen tapsyrma berıledı. Qarulastar qatarynda öz jūmysyn aiaqtap bolǧan Raidyŋ tuyndysyn tekseruşı top baqylaidy. Arnaiy top ışınde 27943 äskeri bölımınıŋ komandirı polkovnik Erjan Meiırmanov bar bolatyn. Ol Raidyŋ qardan jasalǧan müsının körıp aŋ-taŋ bolady. Raidyŋ aituynşa, osy sätten bastap äskeri bölımdegıler de onyŋ tūrǧyzǧan qarsūlbasyna taŋyrqap, «sen äskeri qyzmetker emes, naǧyz müsınşı bolatyn adamsyŋ ǧoi» degen körınedı.
27943 äskeri bölımı poligonynyŋ bastyǧy būdan keiın de bırqatar ılkımdı ısterdıŋ sebepşısı atanady. Ötken jyly şahardaǧy Särsen Amanjolov atyndaǧy Şyǧys Qazaqstan memlekettık universitetı qabyrǧasynan äskeri kafedra aşylady. Osyǧan orai, Qabanbai batyrdyŋ biustın jasap şyǧarady. Kapitan būl tuyndysyn da sozbaqqa salmaidy. Nebary bır apta ötpei daiyn bolady.
Raidyŋ qolönerden bölek, äskeri salada atqarǧan jemıstı ısterı jeterlık. Oqu-jattyǧu poligony bastyǧy qazırgı künde qauyrt jūmysynyŋ qyzu qarqynynda qolönermen ainalysudy bır şetke ysyryp qoiǧan. «Äskeri qyzmet men üşın bırınşı orynda» deidı ol. Sausaǧynan bal tamǧan şeber jaiynda öŋırdegı qolbasşylyqta jaǧymdy pıkırde.
- Araǧa kün suytpai äskeri bölım komandirı özıne şaqyryp, müsındı qardan emes, basqa da ūzaq saqtalatyn qatty zattardan jasap köruımdı sūrap, ūsynys bıldırdı. Äskeri bölım Qasym Qaisenov esımımen atalǧan soŋ, maǧan qazaq batyrynyŋ biustın tūrǧyzu qajet edı. Būl menıŋ ömırımdegı asa ülken jauapkerşılıkke toly sätterdıŋ bırı boldy. Sebebı qardan jasalǧan müsın kün jylyǧanda erıp ketetın, al endıgı kırısetın tuyndym erıp ketpeidı, ämbe äskeri bölımnıŋ körıktı jerıne qoiylmaq. Bır apta bolmai men Qasym Qaisenovtıŋ bır emes, ekı müsının jasap şyǧardym, – deidı 27943 äskeri bölımı oqu-jattyǧu poligonynyŋ bastyǧy kapitan Rai Orazbekov.Komandirı şeberhanaǧa kelıp, onyŋ müsın jasaudaǧy şeberlıgıne köŋılı tolyp, taǧy da bıreu kerek deidı. Bır müsınge bır-ekı ai uaqyt jūmsalǧan. Al äskeri qyzmette tapsyrma jedel ärı būljytpai atqaryluy tiıs. Bır aptada jasalǧan batyrdyŋ ekı müsını de äskeri bölım törınen oryn tapty. Bıreuı garnizondaǧy daŋqty jauynger atyndaǧy muzeige qoiylsa, ekınşısı äskeri bölımnıŋ kıre berısındegı alleiadan tūraq tapty. Alaida, qazaqtyŋ maŋdaiyna bıtken batyrdyŋ qos biustın tūrǧyzǧannan keiın de äskeri qyzmetşı damyl tappai, Öskemendegı äskeri qalaşyqta saiabaq boi kötergen, demalys ornyna äskeri otbasynyŋ müsını qajet bolyp, ol būl eskertkıştı bır aptaǧa jetkızbei somdap şyǧady. El köŋılınen şyqqan eskertkışke bügınde qala tūrǧyndary me kelgen qonaqtar baryp, tamaşalap, suretke tüsıp jür. Alaida Rai Orazbekov bolsa, qolönerdı jeke hobbiım deidı eken.
27943 äskeri bölımı poligonynyŋ bastyǧy būdan keiın de bırqatar ılkımdı ısterdıŋ sebepşısı atanady. Ötken jyly şahardaǧy Särsen Amanjolov atyndaǧy Şyǧys Qazaqstan memlekettık universitetı qabyrǧasynan äskeri kafedra aşylady. Osyǧan orai, Qabanbai batyrdyŋ biustın jasap şyǧarady. Kapitan būl tuyndysyn da sozbaqqa salmaidy. Nebary bır apta ötpei daiyn bolady.
Raidyŋ qolönerden bölek, äskeri salada atqarǧan jemıstı ısterı jeterlık. Oqu-jattyǧu poligony bastyǧy qazırgı künde qauyrt jūmysynyŋ qyzu qarqynynda qolönermen ainalysudy bır şetke ysyryp qoiǧan. «Äskeri qyzmet men üşın bırınşı orynda» deidı ol. Sausaǧynan bal tamǧan şeber jaiynda öŋırdegı qolbasşylyqta jaǧymdy pıkırde.
– «Şyǧys» öŋırlık qolbasşylyǧyna qarasty tört poligon bolsa, eŋ ozyǧy Rai basqaratyn oqu-jattyǧu alaŋqaiy dep sanaimyn. Sebebı ol byltyr ǧana poligon bastyǧy bolyp taǧaiyndaldy. Äskeri qyzmetşı nebary qysqa uaqyttyŋ ışınde oqu-jattyǧu alaŋyn adam tanymastai özgerttı. Poligonda döŋgelektı tehnikaǧa arnalǧan avtodrom joq edı. Taiauda arnaiy avtodrom ıske qosyldy. Poligondaǧy elektr baǧanalaryn jaŋartyp, jaryq ta ornatty. Oqu-jattyǧu alaŋynda ornalasqan äskeri nysandardyŋ bırazyn qaita jöndedı. Tıptı eskı ǧimarttardyŋ özı ädemılenıp, barlyǧy güldengen. Abattandyru jūmystary jürgızılgen. Äskeri nysandar jaŋa şatyr jabyndysymen jabdyqtalǧan. Men Raidyŋ tapsyrmany jedel oryndaityndyǧyna taŋ qaldym. Ol tek müsın jasauda ǧana emes, kez kelgen ıstı jyldam ärı sapaly oryndaidy, – deidı «Şyǧys» öŋırlık qolbasşylyǧynyŋ jauyngerlık daiarlyq basqarmasynyŋ aǧa ofiserı maior Qanat Kapanov.Almas qylyş qyn tübınde jatpaidy degendei, Rai boiyndaǧy önerı äskeri salada da öz arnasyn tapty. Al, otbasyda üş balanyŋ ardaqty äkesı atanǧan azamattyŋ ūstanymy adam bop ömırge kelgen soŋ, adamgerşılıktı biık ūstau eken. Abai öŋırlık garnizonynyŋ baspasöz qyzmetı
"Adyrna" ūlttyq portaly
Ūqsas jaŋalyqtar
