Rınat Rıfhatuly Zaıtovtyń basshylyǵyndaǵy «Alataý» dástúrli óner teatry 23 qazanda Juldyzbek Jumanbaıdyń rejısserligindegi «Aıman-Sholpan» mýzykalyq komedııasymen Halyq qaharmany, KSRO, Qazaqstannyń Halyq artısi, KSRO, Qazaqstannyń Memlekettik syılyǵynyń ıegeri, kórnekti teatr jáne kıno rejısseri Ázirbaıjan Mádıuly Mámbetovtiń 90 jyldyq mereıtoıyna arnalǵan «TEATRALL» II halyqaralyq festıvaline qatysty.
Festıvaldi uıymdastyrýshylar: Qazaqstan Respýblıkasy Mádenıet jáne sport mınıstrligi, Astana qalasy ákimdigi, Astana qalasy ákimdiginiń «Nomad City Hall» MKQK (Ázirbaıjan Mámbetov atyndaǵy memlekettik drama jáne komedııa teatry). Maqsaty: rejısser Ázirbaıjan Mámbetovtiń 90 jyldyǵyn merekeleýge, onyń esimin ulyqtaýǵa, sondaı-aq rejısserler arasynan kásibı qoltańbalary qalyptasqan úzdik sahnagerlerdi anyqtaý.
Q. Qýanyshbaev atyndaǵy memlekettik akademııalyq qazaq mýzykalyq drama teatry, Astana qalasynyń «Jastar» teatry, Semeı qalasy «Darıǵa-aı» jastar teatry, T.Abdýmomýnov atyndaǵy Qyrǵyz Ulttyq akademııalyq teatry, Ózbekstan Respýblıkasynyń Djızak mýzykalyq teatry jáne t.b. óner kórsetti.
Sharada Teatrymyzdyń artısi Áset Esjan Álibek róli boıynsha «Ekinshi plandaǵy úzdik er adam beınesi» nomınaııasy boıynsha, al «Alataý» dástúrli óner teatrynyń ujymy arnaıy dıplommen marapattaldy.
Sondaı-aq Teatrǵa «TÚRKSOI» halyqaralyq Túrki mádenıeti uıymynyń arnaıy syılyǵy buıyrdy. Dırektor Rınat Rıfhatuly Zaıtov «M.Áýezovtiń 125 jyldyǵyna» arnalǵan arnaıy tósbelgisin ıelendi.
Qutty bolǵaı!
Qýanysh Jumabekuly
«Alataý» dástúrli óner teatry Ádebıet bóliminiń meńgerýshisi
