Almaty polisiiasy käsıpker Ramil Muhoriapovtyŋ üstınen qylmystyq ıs qozǧady. Būl turaly jurnalist Kültegın Aspanūly Facebook paraqşasynda jazdy, dep habarlaidy «Adyrna» tılşısı.
«Dostar, Ramil Muhoriapovtyŋ mälımdemesıne qatysty aryz boiynşa qylmystyq ıs qozǧaldy. Almaty qalasynyŋ Ekstremizmge qarsy ıs-qimyl basqarmasy 20 qazanda QR Bas prokuraturasy men Almaty qalasynyŋ prokuraturasyna tüsırgen aryzyma qylmystyq ıs aşqany jaily jauap berıptı»,—dedı ol.Aituynşa, qūzyrly organ QR Qylmystyq kodeksınıŋ 174-babynyŋ (Äleumettık, ūlttyq, rulyq, näsıldık, tektık-toptyq nemese dıni alauyzdyqty qozdyru) 1-bölıgımen sotqa deiıngı tergep-tekserudı bastaǧan.
«Būl aiyptyŋ jazasy zaŋda üş nūsqada közdelgen: 2 myŋ – 7 myŋ AEK aiyppūl, 2 – 7 jyl aralyǧynda bas bostandyǧyn şekteu nemese aiyru. Aiypty dep tanylsa, sot män-jaidy eskere otyryp osy üşeuınıŋ bıreuın taŋdaidy», – dep sözın tolyqtyrdy jurnalist.
Ūqsas jaŋalyqtar
