Almaty polıııasy kásipker Ramıl Mýhorıapovtyń ústinen qylmystyq is qozǵady. Bul týraly jýrnalıst Kúltegin Aspanuly Facebook paraqshasynda jazdy, dep habarlaıdy «Adyrna» tilshisi.
«Dostar, Ramıl Mýhorıapovtyń málimdemesine qatysty aryz boıynsha qylmystyq is qozǵaldy. Almaty qalasynyń Ekstremızmge qarsy is-qımyl basqarmasy 20 qazanda QR Bas prokýratýrasy men Almaty qalasynyń prokýratýrasyna túsirgen aryzyma qylmystyq is ashqany jaıly jaýap beripti»,—dedi ol.
Aıtýynsha, quzyrly organ QR Qylmystyq kodeksiniń 174-babynyń (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) 1-bóligimen sotqa deıingi tergep-tekserýdi bastaǵan.
«Bul aıyptyń jazasy zańda úsh nusqada kózdelgen: 2 myń – 7 myń AEK aıyppul, 2 – 7 jyl aralyǵynda bas bostandyǵyn shekteý nemese aıyrý. Aıypty dep tanylsa, sot mán-jaıdy eskere otyryp osy úsheýiniń bireýin tańdaıdy», – dep sózin tolyqtyrdy jýrnalıst.
