Reseıdegi Ijevsk qalasynyń turǵyndary tegin taratylǵan qarbyzǵa talasyp, birin-biri taptady. "Túkkórmegen" turǵyndardyń toǵyshar áreket jaıly "forpost-sz.ru" saıty jazdy, dep habarlaıdy "Adyrna" ulttyq portaly.
Qala parkinde ótken "Arbýznık" is-sharasynda tegin taratylǵan qarbyzdan qamtyp qalýǵa jarmasqan turǵyndardyń ortany azan-qazan qylǵan áreketin kórýge bolady. Olar birin-biri tópep, tegin qarbyz alý úshin talasqa túsip jatyr. Turǵyndardyń ekpininen qarbyzdardyń kóp bóligi jarylyp, aıaqtyń astynda qalǵan.
"Otbasyńmen tynyǵatyn tamasha demalys kúni edi. Tezin qarbyz taratylady dep edi, ortalyq azan-qazan boldy. Dostar, ne kórindi sonsha? Osylar bazarda 150 rýblden satylady emes pe?" - dep jazdy jazba avtory.
View this post on Instagram
Turǵyndardyń tobyrlyq áreketine qatysty parktiń baspasóz qyzmeti túsinikteme berdi.
"Turǵyndardyń óz-ózin ustaýy men júris-turysyna biz jaýap bermeımiz. Bizdiń quzyrymyzda tek olarǵa merekelik kóńil-kúı syılaý ǵana bar. Árbiriniń tálim-tárbıesin baǵyp, jónge salý múmkin emes", - dedi olar.
"Adyrna" ulttyq portaly
