MURAT ESJAN: Ákim halyqpen birge bolý kerek degendi osynsha dókir túsinýge bola ma?!

3694

Mynaý “shilı” endi. Ákim halyqpen birge bolý kerek degendi osynsha dókir túsinýge bola ma?! Onda ákim ushaqpen ushpasyn, poıyzben júrsin. Onda da apalar bar ǵoı. A, joq, eldiń kóbi aptobyzda, ákim poıyzǵa da minbesin, Jezqazǵanǵa avtobýspen kelsin. Jumysqa avtokólikpen emes, jaıaý qatynasyn.

Qanshama el júr ǵoı jaıaý! Qaıta anaý "azamattyq qoǵam qurýshy azamat" erte toqtapty. Ákimııatqa baryp, ákimdi kabınetinen shyǵaryp alyp, bazardyń bir býtıginen oryn alyp otyrǵyzyp qoıý kerek edi, elmen birge bol dep. Bul qandaı logıka sonda?

Ana ákim de sondaı qoı aýzynan shóp almas pa, álde, áleýmettik jeliden qorqyp tur ma? “Aınalaıyn, ary oına! Sen qusap erigip júrgem joq!” - demeı me? Toqaevqa aıtam deıdi. Biraq erik berseń, Toqaevty da osylaı tompańdatyp qoımaqshy bu "belsendiler".

Kezinde osy Kolýmbııanyń prezıdenti tis dárigerinde kezekte tur degen sýret hıt bolyp edi. Bizdegi jeli qoldanýshylary da jaǵadaǵy qoldaryn jibere salyp, japa tarmaǵaı laık basqan. Maǵan birtúrli kórindi. Kezekte turyp ýaqyt qurtpaı, óziniń tisinen únemdegen ýaqytyn eldiń isine kóbirek jumsamaı ma deısiń ǵoı endi. Áıtpese Kolýmbııanyń qandaı el ekenin bilemiz ǵoı.

Mynaý da sondaı kep. Bul bireýdi qorǵaý, bireýdiń sózin sóıleý emes. Berik Ábdiǵalımen tanystyǵym da, tamyrlyǵym da joq. Qandaı depýtat boldy, qazir qandaı ákim, eshbirinen habarsyzbyn. Onyń ornynda kez-kelgen is basyndaǵy adam bolsa, osy oıymdy jazar edim. Sosyn júıkeme kamerany qosyp qoıyp polıııanyń abyroıyn tókken, olardy arandaýǵa ıtermelegen vıdeolar ásirese qatty tıedi.

Mundaılar azamattyq qoǵam kórinisinen góri proletarıattyq uran kótergen sholaq belsendilerdi kóbirek eske salatyn sekildi. Qoldaryna bılik berseń, ózimen kelispegendi qyryp jiberetin. Tarıh kórsetkendeı.

"Adyrna" ulttyq portaly 

Pikirler
Redakııa tańdaýy