Táýelsizdik alańynda atys qurbany bolǵan sábıdiń ólimine qatysty is Almaty polıııa departamentinen Áskerı tergeý basqarmasyna qaıta jiberildi, onyń tergeý barysynda anyqtalǵan mańyzdy sebebi bar bolyp shyqty. Bul týraly Orda.kz habarlady, dep jazady "Adyrna" ulttyq portaly.
Qaza bolǵan 4 jasar Aıkórkemniń ákesi Aıdos Meldehan Orda.kz tilshisimen suhbatynda qyzynyń isine qatysty jańa málimettermen bólisti. Segiz aıdan keıin tergeý atylǵan oqty zertteý barysynda oqtyń qaı qarýdan atylǵanyn anyqtady. Oq atqan adamnyń áskerı ekeni anyqtaldy.
— Is polıııa bóliminen QR Qarýly Kúshterine (Ishki tergeý basqarmasy – red.) berildi, óıtkeni biz «bólshek» degen sózdi alyp tastadyq. Ózderi atqan pýlemet pen sol posta bolǵandardy taýyp alǵandyqtan, sholaq myltyq joqqa shyǵaryldy. Biraq naqty aty-jóni boıynsha onyń kim ekenin (tergeýshi – red.) aıtpaıdy, óıtkeni onyń mundaı aqparatty jarııa etýge quqyǵy joq. Bul áskerı qyzmetker, – dedi Meldehan.
Aıdos Meldehan negizgi aıǵaq – qaı pýlemettiń kimge berilgeni týraly málimet jazylǵan jýrnal joǵalǵandyqtan, istiń tergelýi keıinge qaldyrylýy múmkin dep qaýiptenedi.
Orda.kz redakııasy Ishki ister mınıstrligine resmı saýal joldady. Vedomstvo tergeý qupııasyn alǵa tartyp, suraqtarǵa jaýap bermedi, biraq tergeý júrip jatqanyn rastady: birqatar saraptamalar taǵaıyndalǵan.
«Qazirgi ýaqytta atalǵan fakti boıynsha sotqa deıingi tergeý jalǵasýda, qajetti saraptamalar taǵaıyndaldy. Qylmystyq-proestik kodekstiń 201-babynyń talaptaryna sáıkes is boıynsha tergep-tekserýdiń barysy týraly ózge málimetter jarııa etýge jatpaıdy» Orda.kz resmı saýalyna osyndaı jaýap aldy.
7 qańtarda Almatydaǵy Táýelsizdik alańynda kólikke oq jaýyp, 4 jasar Aıkórkem Meldehan ákesiniń kóliginde qaza tapty. Qańǵyǵan oq búldirshinniń basyna tıdi. Bul kezde kólikte onyń aǵasy men ápkesi bolǵan, olar da jaraqat alǵan.
Bul jan túrshigerlik oqıǵany Orda.kz saıtynyń bas redaktory 8 qańtar kúni Almatydaǵy máıithananyń qaqpasynda qyzdyń ákesi Aıdos Meldehanmen kezdeısoq jolyqqanda estidi. Sodan beri Aıkórkemniń oqıǵasy qazaqstandyqtardyń júreginen ketpeı, búldirshinniń beınesi eldegi mıtıngiler men aldaǵy reformalardyń sımvolyna aınaldy.
Qandy qańtar oqıǵasynan keıin Meldehan otbasynyń jaǵdaıy qıyndap, biraz ýaqytqa elden ketýge májbúr bolǵan.
"Adyrna" ulttyq portaly
