Täuelsızdık alaŋynda atys qūrbany bolǧan säbidıŋ ölımıne qatysty ıs Almaty polisiia departamentınen Äskeri tergeu basqarmasyna qaita jıberıldı, onyŋ tergeu barysynda anyqtalǧan maŋyzdy sebebı bar bolyp şyqty. Būl turaly Orda.kz habarlady, dep jazady "Adyrna" ūlttyq portaly.
Qaza bolǧan 4 jasar Aikörkemnıŋ äkesı Aidos Meldehan Orda.kz tılşısımen sūhbatynda qyzynyŋ ısıne qatysty jaŋa mälımettermen bölıstı. Segız aidan keiın tergeu atylǧan oqty zertteu barysynda oqtyŋ qai qarudan atylǧanyn anyqtady. Oq atqan adamnyŋ äskeri ekenı anyqtaldy.
— Is polisiia bölımınen QR Qaruly Küşterıne (Işkı tergeu basqarmasy – red.) berıldı, öitkenı bız «bölşek» degen sözdı alyp tastadyq. Özderı atqan pulemet pen sol posta bolǧandardy tauyp alǧandyqtan, şolaq myltyq joqqa şyǧaryldy. Bıraq naqty aty-jönı boiynşa onyŋ kım ekenın (tergeuşı – red.) aitpaidy, öitkenı onyŋ mūndai aqparatty jariia etuge qūqyǧy joq. Būl äskeri qyzmetker, – dedı Meldehan.Aidos Meldehan negızgı aiǧaq – qai pulemettıŋ kımge berılgenı turaly mälımet jazylǧan jurnal joǧalǧandyqtan, ıstıŋ tergeluı keiınge qaldyryluy mümkın dep qauıptenedı. Orda.kz redaksiiasy Işkı ıster ministrlıgıne resmi saual joldady. Vedomstvo tergeu qūpiiasyn alǧa tartyp, sūraqtarǧa jauap bermedı, bıraq tergeu jürıp jatqanyn rastady: bırqatar saraptamalar taǧaiyndalǧan.
«Qazırgı uaqytta atalǧan faktı boiynşa sotqa deiıngı tergeu jalǧasuda, qajettı saraptamalar taǧaiyndaldy. Qylmystyq-prosestık kodekstıŋ 201-babynyŋ talaptaryna säikes ıs boiynşa tergep-tekserudıŋ barysy turaly özge mälımetter jariia etuge jatpaidy» Orda.kz resmi saualyna osyndai jauap aldy.7 qaŋtarda Almatydaǧy Täuelsızdık alaŋynda kölıkke oq jauyp, 4 jasar Aikörkem Meldehan äkesınıŋ kölıgınde qaza tapty. Qaŋǧyǧan oq büldırşınnıŋ basyna tidı. Būl kezde kölıkte onyŋ aǧasy men äpkesı bolǧan, olar da jaraqat alǧan. Būl jan türşıgerlık oqiǧany Orda.kz saitynyŋ bas redaktory 8 qaŋtar künı Almatydaǧy mäiıthananyŋ qaqpasynda qyzdyŋ äkesı Aidos Meldehanmen kezdeisoq jolyqqanda estıdı. Sodan berı Aikörkemnıŋ oqiǧasy qazaqstandyqtardyŋ jüregınen ketpei, büldırşınnıŋ beinesı eldegı mitingıler men aldaǧy reformalardyŋ simvolyna ainaldy. Qandy qaŋtar oqiǧasynan keiın Meldehan otbasynyŋ jaǧdaiy qiyndap, bıraz uaqytqa elden ketuge mäjbür bolǧan.
"Adyrna" ūlttyq portaly
