Halyq ánderin kásibı oryndaýshy óner qaıratkeri, QR halyq ártisi, prfoessor, Qajybek Bekbosynov ómirden ótti. Bul týraly ánshiniń uly Raýan Qajybekuly habarlady, dep jazdy "Adyrna" ulttyq portaly.
Bekbosyn Qajybek Qudaıbergenuly 1946 jyldyń 19-mamyr aıynda Taldyqorǵan oblysy Qapal aýdany, Qońyr aýyly, Uzynbulaq bólimshesinde dúnıege kelgen. Ǵ. Ormanov atyndaǵy 11 jyldyq mektepti bitirip, Almatydaǵy Estrada jáne ırk óneri stýdııasynda QAZSSR Halyq ártisi Ǵarıfolla Qurmanǵalıevtiń Halyq áni klasyna oqýǵa tústi. Oqýdy bitirgennen keıin Memlekettik «Qazaqkonert» birlestiginde ánshi-dombyrashy bolyp qyzmet atqarǵan. Muhıt, Aqan seri, Birjan, Áset, Jaıaý Musa, Kenen Ázirbaev, Estaı ánderin naqyshyna keltirip oryndady. Halqyna ónerin pash etip, tyńdarmandarynyń súıiktisine aınaldy. Qazaqstan Respýblıkasynyń halyq ártisi ataǵyn ıelendi.
Ómiriniń sońǵy jyldarynda shákirt tárbıelep, elimizdiń birqatar oqý oryndarynda ustazdyq qyzmet atqardy. Qajybek Qudaıbergenuly oryndaýshylyq sheberligimen qazaq ánshilik ónerin damytýǵa eleýli úles qosqan tulǵa retinde halyq jadynda saqtalady.
"Adyrna" ulttyq portalynyń ujymy dúnıeden ótken óner qaıratkeriniń balalaryna, týǵan-týysqandary men áriptesterine, shákirtterine qaıǵyryp kóńil aıtady.
"Adyrna" ulttyq portaly
