Memleket basshysy Qasym-Jomart Toqaevtyń «Ortalyq Azııa – Reseı» sammıtindegi sózi bastaldy, dep habarlaıdy «Adyrna» tilshisi Aqordaǵa silteme jasap.
«Turaqsyzdyqqa alyp keletin bir faktor – óńirdegi jekelegen elder arasyndaǵy shekara máselesiniń rettelmeýi. Shekara problemasy ǵasyrlar boıy qalyptasqan dostyq, ózara senim jáne tatý kórshilik negizinde, sondaı-aq halyqaralyq quqyq pen BUU Jarǵysynyń irgeli qaǵıdattaryn múltiksiz saqtaý arqyly tek beıbit jolmen sheshilýge tıis»,—dedi ol.
Prezıdent qazirgi jaǵdaıda qalyptasqan saýda-ekonomıkalyq baılanystardy saqtaý asa mańyzdy ekenin atap ótti.
«Shaǵyn jáne orta bıznesti qoldaý sharalaryna, energetıka, ónerkásip, kólik-logıstıka, aýyl sharýashylyǵy salalaryndaǵy birlesken jobalardy qolǵa alýǵa erekshe nazar aýdarý qajet. Bul rette saýda kedergilerin joıý jáne protekıonıstik sharalarǵa jol bermeý mańyzdy.
Bizge óńirishilik saýda-sattyqty damytýǵa baǵyttalǵan kúsh-jigerdi jandandyrý qajet. Bul jerde taýar aınalymynyń qurylymyn jaqsartýǵa jáne onyń nomenklatýrasyn keńeıtýge mán bergen jón»,–dedi Memleket basshysy.
