Ózderińizge belgili, maýsym aıynda konstıtýııalyq reformalar boıynsha referendým ótken edi. Onda bizdiń Prezıdentimiz Qasym-Jomart Kemeluly Toqaevtyń «Ádiletti Qazaqstan» qurý sııaqty konepııalary oıǵa alyndy. Kezekten tys Prezıdent saılaýyn ótkizý máselesi de bir jaǵynan durys sheshim dep oılaımyn. Prezıdentimiz qabyldaǵan baǵyt-baǵdarlardy iske asyrý úshin jańa kózqaras, jańa baǵyt kerek. Oǵan senimdi mandat kerek. Ýaqytynan buryn osyndaı qadamǵa baryp otyrǵanynyń ózi – Prezıdenttiń «Ádiletti Qazaqstandy» quramyn degen shyn nıetinen týyp otyr.
Halyqtyq koalıııa bolyp birigip, olar bir aýyzdan Prezıdent Qasym-Jomart Toqaevtyń kandıdatýrasyn usyndy. Sonyń ishinde Ulttyq Ǵylym akademııasy da Qasym-Jomart Kemelulynyń kandıtatýrasyn usynǵanyn jaqsy bilesizder. Jalpy, «Ádiletti Qazaqstan» qashan ornaıdy, qaı kezde ornaıdy?» degen zańdy suraq týyndap jatady. «Ádiletti Qazaqstan» – zańdar ústem qurǵanda ornaıdy. Sol sebepten de, konstıtýııalyq reformalar jasap, ózgeristerdi engizip aldyq. Elge jetkizetin, elmen keri baılanys ornatatyn, «Halyq únine qulaq asatyn Úkimetti» quryp jatyrmyz. Endi burynǵydaı qur maqtaý, jalǵan esepterden arylyp, naqty kórsetkishterge, naqty sheshimderge jumys isteıtin bolamyz. Bardy bar, joqty joq dep aıtatyn kez keldi. Halyqtyq koalıııa forýmynda da Prezıdent qoǵamǵa qajetti qaǵıdalardy atap ótti.
Memleket basshysynyń «Bizdiń Táýelsizdigimiz bárinen qymbat» degen sózi – táýelsizdigimizdi kózimizdiń qarashyǵyndaı saqtaý degen sóz. Bizge memleket ne beredi dep emes, biz memleketke ne beremiz, qandaı kómegimiz bolady degen baǵytta árqaısysymyz qolǵa alǵan jón. Ol úshin bilimdi, sanaly jas urpaq jetilýi tıis. Ekonomıkamyz qalyptasyp, áleýmettik ahýalymyz artatyn bolsa, memleket ishinen de nebir daryndy jastar ósip shyǵady. Olar bilimge de, ǵylymǵa da óz úlesin qosatyn bolady. Prezıdent Ulttyq ǵylym akademııasyna barǵanynda: «Akademııanyń mártebesin kóterý kerek dep sanaımyn. Bul qurylym ǵylymı oı-tujyrym ortalyǵyna aınalýǵa tıis. Sondaı-aq saraptama jasaıtyn bedeldi mekeme bolýy kerek. Qara shańyraqtyń rólin arttyrý mańyzdy» dep aıtqany esimizde. Ekonomıkamyz damýy úshin de eń aldymen ǵylym-bilimge kóbirek kóńil bólý kerek ekenin aıtyp otyr.
Endeshe, aldaǵy saılaýda «Ádiletti Qazaqstan» úshin daýys berý mańyzdy dep sanaımyn. 7 jyl ishinde Prezıdent bastamalary júzege asyp, nátıjesin kóretin bolamyz.
Kárimbek QURMANÁLIEV,
QR Ulttyq Ǵylym akademııasynyń akademıgi
