Baspa, radıo, ınternet-jýrnalıstıka salasyndaǵy úzdikterdi anyqtaý úshin «URKER – 2022»Ulttyq báıgesine ótinimder qabyldaý bastaldy.
Respýblıka aýmaǵynda medıakontent óndiretin jáne taratatyn respýblıkalyq jáne óńirlik radıostanııalar, baspa jáne ınternet-basylymdar báıgege qatysa alady.
Ótinimderdi qabyldaý 2022 jylǵy 30 qyrkúıekten bastap 19 qazanǵa deıin júzege asyrylady.
Konkýrtyq jumystar 2021 jylǵy 2 maýsym men 2022 jylǵy 29 qyrkúıek aralyǵynda jarııalanyp, basylymynda, ınternet-resýrsta jarııalanýy nemese radıoefırde shyǵýy tıis. Ár úmitker báıgeniń tek eki nomınaııasyna qatysýǵa quqyly.
Ótinimder urker-awards.kz resmı saıtynda 10 nomınaııa boıynsha qabyldanady:
1. Jyldyń úzdik suhbaty
2. Jyldyń úzdik reportajy
3. Áleýmettik taqyryptaǵy úzdik materıal
4. Jyldyń úzdik jýrnalıstik zertteýi
5. Jyldyń úzdik analıtıkalyq materıaly
6. Halyqaralyq taqyryptaǵy úzdik materıal
7. Jyldyń úzdik jańalyqtar portaly
8. Radıostanııadaǵy úzdik joba
9. Jyldyń úzdik fotosýreti
10. Úzdik óńirlik BAQ
Arnaıy premııalar:
1. Ahmet Baıtursynov atyndaǵy arnaıy premııa (baspa BAQ-taǵy joba)
2. Sherhan Murtaza atyndaǵy arnaıy premııa (avtorlyq joba)
3.Batyr Qazybaev atyndaǵy arnaıy premııa (ınternet BAQ-taǵy joba)
Jumystardy quramyna bedeldi jýrnalıster, salanyń eńbek sińirgen qaıratkerleri men medıasaraptaýshylar kiretin syılyqtyń táýelsiz qazylar alqasy baǵalaıtyn bolady.
Konkýrs qorytyndysy boıynsha ár nomınaııanyń úzdik ókiline jeńimpaz ataǵy berilip, «URKER - 2022» estelik músinshesi jáne 1 000 000 teńge mólsherindegi aqshalaı syıtabystalady.
Ulttyq báıge uıymdastyrýshylary - QR Aqparat jáne qoǵamdyq damý mınıstrligi jáne «Medıa damytý qory» korporatıvtik qory.
«URKER» - baspa, radıo, ınternet-jýrnalıstıka salasyndaǵy úzdik jetistikter úshin beriledi, aımaqtardaǵy mýltımedııalyq jýrnalıstıkany damytýǵa yqpal etýge, jýrnalıstıka mártebesin arttyrýǵa, kásibı standarttar men krıterılerdi bekitýge, azamattyq belsendilikti arttyrýǵa baǵyttalǵan.
