Aqtóbe oblysynda úshem dúnıege keldi, dep jazady "Adyrna" ulttyq portaly.
Baq.kz habarlaýynsha, perzenthanada bıylǵy ekinshi úshem dúnıege keldi. Salmaǵy 2060, 1930 jáne 2260 gramm bolatyn náresteler júktiliktiń 32 aptasynda operaııa arqyly merziminen buryn týǵan. Erli-zaıyptylardyń budan bólek taǵy úsh balasy bar. Endi kópbalaly otbasylar qataryna qosyldy. Jas bosanǵan ana men jańa týǵan nárestelerdiń jaǵdaıy birqalypty.
Jaqyn arada sábıler salmaq qosady, kópbalaly ana kúsh-qýatyn qalpyna keltiredi. Oblystyq perınataldy ortalyq anasy men qyzdaryna zor densaýlyq tileıdi, – delingen mekemeniń habarlamasynda.
Eske salsaq, «Ańsaǵan sábı» baǵdarlamasy bala súıýdi armandap júrgen talaı otbasyna qýanysh syılady. Buǵan deıin 13 jyl boıy taǵy da balaly bolýdy armandaǵan ana Qasym, Jomart, Kemel esimdi úshemdi ómirge ákelgen edi.
Otbasynyń tuńǵyshy 13 jasta. Sodan beri balaly bola almaǵan soń kvotaǵa ótinish berdi. Úshemge júkti bolǵan kezde biz únemi baqylap, óz qadaǵalaýymyzǵa aldyq. Anasy balany aıy-kúni jetkende kesir tiligi arqyly ómirge ákeldi, - deıdi oblystyń shtattan tys bas reprodýktology Svetlana Esenamanova.
"Adyrna" ulttyq portaly
