Saıasattanýshy Aıdos Sarym «AMANAT» partııasynyń kezekten tys Sezinde qandaı jańalyqtar bolatynyn aıtty, dep habarlaıdy «Adyrna» tilshisi.
«Eń áýeli, Sezd qaraýyna partııa transformaııasynyń naqty jemisi retinde jańa Saıası tuǵyrnamany bekitý usynylady. Bul – shırek ǵasyrǵa jýyq tarıhy bar partııa tarıhynda túpnusqasy memlekettik tilde jazylǵan birden-bir qujat desek, asa qatelese qoımaspyz. «Biz Asan Qaıǵynyń Jeruıyǵy men ál-Farabıdiń izgi qoǵam ıdeıasyn, Abaıdyń tolyq adam konepııasyn, Shoqan Ýálıhanov pen Ybyraı Altynsarınnyń aǵartýshylyq mıssııasyn, Álıhan Bókeıhan bastaǵan Alash arystarynyń uly murattaryn úlgi-ónege tutamyz» dep bastalatyn tuǵyrnamysynyń rýhanı ózegi neden bastaý alatynyn ózińiz shamalaı berińiz. Qujattyń kirispesinde «Biz qazaq tilin damytýǵa, onyń keńinen qoldanylýyna bar kúsh-jigerimizdi salamyz» dep taıǵa tańba basqandaı anyq jazylǵan. Bul – aty aıtyp turǵandaı, partııanyń aldyńǵy urpaqtardan amanat etip qabyldap, keleshek urpaq aldynda moıyna alǵan abyroıly mindeti.
Ekinshiden, jańa tuǵyrnama – el aýmaǵyndaǵy barlyq partııalastyń oı eleginen ótken, jan-jaqty talqylanǵan qujat. Sońǵy alty aıda aımaqtarda ótken kezdesýlerde, partııa bastaýysh uıymdaryndaǵy jıyndarda onyń árbir tujyrymy talqyǵa salyndy. Odan bólek, eldegi kózi qaraqty, aýzy dýaly sarapshy mamandardyń, saıasattanýshylar men qoǵam belsendileriniń súzgisinen ótkizip, olardyń da pikirin tyńdadyq. Osylaısha, kópshiliktiń eleginen ótken, qoǵamdyq pikirdi eskergen qujat daıyn boldy.
Úshinshiden, Saıası tuǵyrnama – partııanyń qazirgi kezdegi qoǵamdyq-saıası jáne áleýmettik-ekonomıkalyq jaǵdaıǵa qatysty ustanymyn bildiretin, partııalastardy ortaq uıǵarymǵa biriktiretin basty ıdeologııalyq qujat. «AMANAT» partııasynyń budan keıingi uzaq merzimdi strategııasy osy tuǵyrnamaǵa negizdelip qurylady.
Tórtinshiden, partııa eldegi jetekshi saıası kúsh retinde eldegi barlyq ózgeristerge jaýapty. Osy ýaqytqa deıin partııany synaýshylarǵa jaýap – qurylǵan kúnnen beri memlekettiliktiń irgesin bekitip, boıtumar Táýelsizdigimizdi saqtaýǵa kúsh salyp kele jatqan partııa eldiń barlyq jetistikterin de, jiberilgen qatelikterdi de óz moınyna alady. Árıne, buǵan qosa eriktiler qozǵalysy men qaıyrymdylyq mádenıetin damytý arqyly qoǵam men azamattardyń jaýapkershiligin de arttyrý kerek.Besinshiden, Saıası tuǵyrnamanyń qurylymy adam, azamattyq qoǵam jáne memeleket uǵymdaryna negizdelgen. Buǵan deıingi súrleý – kóshbasshylyq modelinen sanaly túrde bas tartyp, eldiń túkpir-túkpirindegi qarapaıym turǵyndardan quralǵan, ár túrli toptardan shyqqan, ár qıly pikir-kózqarastaǵy azamattardy ortaq ustanymǵa biriktirgen shyn mánindegi halyqtyq partııaǵa aınalýdy kózdeıdi. Halyqqa berilgen ýáde, saılaýshylardyń amanaty – partııa úshin oryndalýy buljymas zańmen para-par.
Qoryta kelgende, «Tiregimiz – Táýelsizdik, tilegimiz – Ádilet, baǵdarymyz – Birlik!» deıtin partııa Ádiletti Qazaqstan múddesine jumys isteıdi.
Saıası tuǵyrnamanyń budan basqa jańalyqtaryn erteńgi jıynda aıtamyz»,—dedi ol.
