Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» QQ Atyraý qalasynda «Jas kelse iske…» taqyrybynda saraptamalyq pikirtalas ótkizdi.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Pikirtalasqa aımaqtaǵy tanymal bloger, aktre, kásipker Ernar Sakýpov qatysyp óziniń jetistikke jetý jolyn aıtyp, qatysýshy jastar arasynda talqylaý júrgizdi.
«Men áýeli ózimniń alǵashqy úlken qadamdarymdy KVN-nen bastadym. Kópishiligi sekildi áýeli teledıdarda ázil oınap, kórermenniń kózaıymyna aınala bastadyq. Artynsha akterlik salaǵa túsip, búginde birneshe kınolarda boı kórsettim. Qazirgi tańda jeke ımıdj qalyptasý ústinde. Sonyń arqasynda kásip ashyp, jańa joldy baǵyndyrýdamyn. Iaǵnı, bul arqyly ne aıtqym keledi. Eńbek etýden jalyqpaý kerek. Sebebi, seniń qaı bir isiń bolmasyn túbinde jetistikkke jeteleıdi. Ol — sózsiz» dedi Ernar Sakýpov jastarǵa aıtqan sózinde.
Odan bólek kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.
Qatysýshy jastar blogerge suraqtar qoıyp, qazirgi tańda ınstagram arqyly qalaı damýǵa bolatyny jaıly surady. Ernar myrza olarǵa jańa ıdeıalar jasap, eshkim shyǵarmaǵan dúnıeni oılap taba alsań rasymen jetistikke jetý qıyn emes ekendigin aıtty.
