Túrkııa Reseı bıliginiń Ýkraına aımaqtaryn zańsyz qosyp alǵan anneksııasyn moıyndamady. Bul jaıly Túrkııanyń syrtqy ister mınıstrligi habarlady, dep jazady "Adyrna" ulttyq portaly.
Málimdemede Túrkııanyń 2014 jylǵy Reseıdiń Qyrymdy parshalaǵanyn moıyndamaı, únemi Ýkraınanyń egemendigi men tutastyǵyn saqtaýǵa qoldaý kórsetkendigi aıtyldy. Sondaı-aq:
"Dál osy ustanym jeteginde biz Reseıdiń Donek, Lýgank, Zaporoje jáne Herson aımaqtaryn ózderine qosyp alǵan jalań anneksııa saıasatyn moıyndamaımyz", - dep habarlandy.
Málimdeme sońynda syrtqy ister mınıstrligi Reseıdiń sheshimin joqqa shyǵaryp, bul áreketin halqaralyq zańdylyqtardy belshesinen basý dep aıyptady.
