Qoǵam qaıratkeri Hasen Qojahmet QR prezıdenttigine úmitker bolǵysy keletinin málimdedi. Bul týraly Aron Atabektiń feısbýk paraqshasynda habarlandy, dep jazady "Adyrna" ulttyq portaly.
«Azat» qozǵalysynyń jáne «Qazaq eli» koalıııasynyń tóraǵasy Qoja-Ahmet Hasen Kárimjanuly 2022 jylǵy qarashada ótetin prezıdenttik saılaýǵa qatysýǵa nıet bildirdi.
Hasen Qojahmet aldaǵy saılaýǵa baılanysty óz baǵdarlamasyna kelesi tolyqtyrýlar engizdi:
– Men 2022 jylǵy qańtardaǵy qandy qyrǵyndy kim jáne ne úshin uıymdastyrǵanyn halyqqa aıtýǵa daıynmyn. Osy qaıǵyly oqıǵaǵa baılanysty tutqyndalyp, sottalǵan adamdar bosatylyp, tolyq aqtalýy kerek!
- Óz kózqarastaryn bildirgeni úshin sottalǵan azamattar (mıtıngterde jáne BAQ-ta jáne t.b.) dereý aqtalyp, memleketten moraldyq zalal úshin ótemaqy alýy tıis.
– Eshbir elde "jappaı tártipsizdikter úshin" azamattardy uzaq merzimge bas bostandyǵynan aıyrmaıdy, óıtkeni olardyń áreketterin naqtylaý múmkin emes. Qazaqstan halqyn qorqytý úshin 2006 jyly "Shańyraq oqıǵasy" boıynsha Aron Atabek, Erqanat Taranshıev, Qurmanǵazy Ótegenov jáne Rústem Tuıaqov jazyqsyz sottaldy. Olardy aqtaý kerek!
– Qazaqstan "naryqtyq ekonomıkaǵa" kóshý týraly málimdedi, biraq eshqandaı básekege túspeı, olıgarh-kapıtalıst retinde tek Tuńǵysh Prezıdent pen onyń týystary tanylǵanyna kýá boldyq. Bıliktegi klannyń mundaı zańsyzdyǵyn toqtatý úshin eldegi barlyq iri kásiporyndardy memleket múligine aınaldyryp, adamdarǵa tek shaǵyn jeke kásipkerlikpen aınalysýǵa ruqsat berý kerek, men bul týraly 1973 jyly usynys tastaǵan bolatynmyn.
- N.Nazarbaev klany basyp alǵan jerlerdi dereý jergilikti halyqqa qaıtarý kerek. Qazaqstan bıligi ókilderiniń zańsyzdyǵynan týyndaǵan basqa da problemalar men olardan arylý joldary týraly halyqpen kezdesken kezde aıtamyn. Jasa, Qazaq eli!", - dep habarlandy Aron Atabektiń fb-tegi paraqshasynda.
"Adyrna" ulttyq portaly
