Ózderin memleket dep jarııalaǵan LHR, DHR, Zaporoje men Herson oblystarynda referendým ótip jatyr. Syrtqy ister mınıstrliginiń resmı ókili LHR, DHR, Zaporoje men Herson oblystaryndaǵy referendýmdarǵa qatysty túsinikteme berdi, dep jazady "Adyrna" ulttyq portaly.
Informburo.kz habarlaýynsha, LHR men DHR dep ózin-ózi jarııalaǵan memleketterdiń jáne Zaporoje men Herson oblystarynyń áskerı ákimshilikteriniń Reseıge qosylý týraly referendýmdar ótkizýine qatysty máselede Qazaqstan memleketterdiń aýmaqtyq tutastyǵy, olardyń egemendik teńdigi jáne beıbit qatar ómir súrý qaǵıdattaryn negizge alady.
"Prezıdentimiz birneshe ret, onyń ishinde BUU minberinen jaqynda ǵana sóılegen sózinde osy dúnıejúzilik ámbebap uıymnyń Jarǵysyna negizdelgen halyqaralyq quqyq qaǵıdatyn buljytpaı saqtaýdyń mańyzdylyǵy týraly málimdedi. Jarǵyda BUU-ǵa múshe elderdiń beıbitshilik pen memleketterdiń aýmaqtyq tutastyǵyn saqtaý jaýapkershiligi týraly aıtylady", – delingen túsiniktemede.
Qazaqstan saıası dıalog ornatý úshin jan-jaqty qoldaý kórsetýge daıyn ekenimizdi taǵy da rastaıdy. Bul rette Qazaqstan turaqtylyqty óńirlik ári jahandyq deńgeıde saqtaýdy asa mańyzdy mindet sanaıdy.
"Adyrna" ulttyq portaly
