Biz ıadrolyq qarýdan azat álem qurý jolyndaǵy kúresimizdi jalǵastyra beremiz - Toqaev

1710
Adyrna.kz Telegram

Memleket basshysy Qasym-Jomart Toqaev BUU Bas Assambleıasy 77-sessııasynyń Jalpy debatynda sóılegen sózinde ıadrolyq qarýdan azat álem qurý jaıynda sóz qozǵady, dep habarlaıdy “Adyrna” ulttyq portaly.

Ol elimizdiń ıadrolyq qarý  synaqtarynan  kóp zardap shekkenin aıta kele, ıadrolyq derjavalar arasyndaǵy teketirestiń kúsheıý qaýpin jaqsy túsinetinin alǵa tartty.

«Osyǵan oraı ıadrolyq qarýsyzdaný Qazaqstannyń syrtqy saıasatynyń mańyzdy qyryna aınaldy. Biz ıadrolyq qarýdan azat álem qurý jolyndaǵy kúresimizdi jalǵastyra beremiz. Bul saladaǵy keıbir jetistikterge qaramastan, ókinishke qaraı, jalpy ahýal jaqsy emes. Iadrolyq derjavalar arasynda  kúsheıip kele jatqan báseke men teketires bizdi alańdatady. Sondaı-aq biz Iadrolyq qarýdy taratpaý týraly sharttyń jalpy konferenııasy aıasynda ilgerileý joq ekenine alańdaımyz. Aldymyzda qarýsyzdaný jáne ıadrolyq qarýdy taratpaý salasyndaǵy jańa mehanızmderdi ázirleý jóninde asa kúrdeli mindet tur», - dedi Memleket basshysy.

Sondaı-aq, Qasym-Jomart Toqaev COVID-19 pandemııasy bıologııalyq qaýip-qaterlerdi basqarýǵa jáne azaıtýǵa baǵyttalǵan shuǵyl sharalar qabyldaý qajet ekenin aıqyndap bergenin atap ótti.

«Halyqaralyq yntymaqtastyq úshin arnaıy ınstıtýt nemese organ qurýǵa eshqandaı shara qabyldamaı, 50 jyldan beri bıologııalyq qarý týraly Konvenııanyń erejelerin áli de ustanýymyz bizdi alańdatýy kerek. Osyǵan oraı buǵan deıin usynǵan Bıologııalyq qaýipsizdik jóninde halyqaralyq agenttik qurý týraly bastamamdy qaıta eske salǵym keledi», - dedi Prezıdent.

”Adyrna” ulttyq portaly

Pikirler