Aýyl oqýshylaryna Taldyqorǵan qalasyndaǵy Nazarbaev Zııatkerlik mektebiniń jas eriktileri aǵylshyn tilin úıretedi.
Shymyr aýylyndaǵy Mánshúk Mámetova atyndaǵy orta mekteptiń oqýshylaryna aptasyna eki ret aǵylshyn tili oqytylatyn «English club» áleýmettik jobasy 2018 jyly uıymdastyryldy. Búgingi tańda jobany 10E synyp oqýshylary sátti júrgizip jatyr. Oqytý oıyn jáne jattyǵý túrinde ótedi.
«English club» jobasy aýyl oqýshylarynyń bilim olqylyqtaryn toltyrýǵa, tildik kedergini jeńýge kómektesedi jáne shet tilderin odan ári oqýǵa yntalandyrady», - deıdi joba úılestirýshisi, 10-synyp oqýshysy Mádına Shahanova.
M.Mámetova atyndaǵy orta mekteptiń 8-synyp oqýshysy Aızere Ǵızat aǵylshyn tili sabaǵyna ekinshi jyl qatysyp keledi. Osy ýaqyt ishinde ol qarapaıym bilimdi ǵana emes, mátinderdi óz betimen jazýdy da úırendi. Bul ol úshin úlken qadam.
– Jobanyń arqasynda biz qajetti bilim alýǵa múmkindik aldyq. Jasyratyny joq, aǵylshyn tilin bilý elimizdegi jáne álemniń úzdik ýnıversıtetterine jol ashady, – deıdi Aızere.
Bıylǵy oqý jylynda «English club» jobasyna Shymyr aýyldyq mektebinen 40 oqýshy qatysady. Búgin alǵashqy sabaqtar ótti, aldaǵy ýaqytta qyzyqty, tanymdyq, eń bastysy qajet aǵylshyn tili sabaqtary óz jalǵasyn tabady.
Aıta keteıik, 2018 jyly Taldyqorǵan qalasyndaǵy Nazarbaev Zıtıakerlik mektebi men Shymyr aýylyndaǵy M.Mámetova atyndaǵy orta mektep arasynda ózara yntymaqtastyq týraly memorandýmǵa qol qoıylǵan bolatyn.
