Elordadan Jezqazǵanǵa Talgo poıyzdary qatynaı bastady, dep jazady "Adyrna" ulttyq portaly. Bul týraly Qazaqstan temir joly baspasóz qyzmeti habarlady.
"Nur-Sultan – Jezqazǵan" baǵytyndaǵy №65/66 alǵashqy jolaýshylar poıyzy Ulytaý oblysyna keldi. Talgo vagondarynan turatyn quram Nur-Sultannan jup kúnderi, Jezqazǵannan taq kúnderi qatynaıtyn bolady. Buǵan deıin, osy jyldyń 5 qyrkúıeginde "Almaty-2 - Jezqazǵan" qatynasyndaǵy №73/74 poıyzy iske qosylǵan bolatyn", - delingen resmı habarlamada.
"Jolaýshylar tasymaly" AQ Bas dırektory Jánibek Taıjanovtyń aıtýynsha, atalǵan poıyzdardy iske qosý Qazaqstannyń megapolısterimen jańa óńirdiń kóliktik qoljetimdiligin jaqsartýǵa múmkindik beredi.
"Elordadan kelgen jańa poıyz barlyq zamanaýı talaptarǵa saı jáne qajetti jabdyqtarmen, sonyń ishinde aýa baptaý júıesimen jáne bıoájethanamen jabdyqtalǵan. Jol júrý kezinde jolaýshylarǵa fılmder kórip, mýzyka tyńdaý úshin "Vputi.kz" mýltımedııalyq portalǵa kirý múmkindigi beriledi. Grand klasty vagondardyń jolaýshylary dýsh kabınalaryn qoldana alady", - delingen habarlamada.
"Adyrna" ulttyq portaly
