Elordadan Jezqazǧanǧa Talgo poiyzdary qatynai bastady, dep jazady "Adyrna" ūlttyq portaly. Būl turaly Qazaqstan temır joly baspasöz qyzmetı habarlady.
"Nūr-Sūltan – Jezqazǧan" baǧytyndaǧy №65/66 alǧaşqy jolauşylar poiyzy Ūlytau oblysyna keldı. Talgo vagondarynan tūratyn qūram Nūr-Sūltannan jūp künderı, Jezqazǧannan taq künderı qatynaityn bolady. Būǧan deiın, osy jyldyŋ 5 qyrküiegınde "Almaty-2 - Jezqazǧan" qatynasyndaǧy №73/74 poiyzy ıske qosylǧan bolatyn", - delıngen resmi habarlamada."Jolauşylar tasymaly" AQ Bas direktory Jänıbek Taijanovtyŋ aituynşa, atalǧan poiyzdardy ıske qosu Qazaqstannyŋ megapolisterımen jaŋa öŋırdıŋ kölıktık qoljetımdılıgın jaqsartuǧa mümkındık beredı.
"Elordadan kelgen jaŋa poiyz barlyq zamanaui talaptarǧa sai jäne qajettı jabdyqtarmen, sonyŋ ışınde aua baptau jüiesımen jäne bioäjethanamen jabdyqtalǧan. Jol jüru kezınde jolauşylarǧa filmder körıp, muzyka tyŋdau üşın "Vputi.kz" multimediialyq portalǧa kıru mümkındıgı berıledı. Grand klasty vagondardyŋ jolauşylary duş kabinalaryn qoldana alady", - delıngen habarlamada.
"Adyrna" ūlttyq portaly
