ABZAL QUSPAN: Prezıdenttiń tek bir merzimge saılanýyn quptaımyn

3360
Adyrna.kz Telegram

Prezıdentti tek bir merzimge, 7 jylǵa ǵana saılaıtynymyz óte durys qadam boldy. Men bul bastamany qoldaıtynymdy ashyq aıtyp júrmin. Nege? Eń basty degen eki sebebine toqtalaıyn.

Birinshiden, prezıdentti bir merzimge ǵana saılaý damyǵan elderdiń basym kópshiliginde bar tájirıbe. Óıtkeni, prezıdent 2 kezeńge saılanatyn bolsa, oǵan kelesi saılaýda jeńý qıynǵa túspeıdi. Búkil resýrs qolynda bolǵandyqtan, nátıjege áser ete alady. Básekelestik joǵalady. Saılaý komıssııasy bar, ákimi bar, bárin aıtqanyna kóndiredi. Mundaı jaǵdaıda elde birneshe yqpaldy partııalar bolmasa, saılaýdyń ádil ótýi múmkin emes. Mine, osy sebepti prezıdenttiń tek bir kezeńge saılanǵanyn durys dep otyrmyn.

Ekinshiden, qazir qoǵamda túrli suraq týyndaýda. «Kelesi prezıdent kelip, ol da Konstıtýııany túzetse ne isteımiz?» deıdi. Negizsiz emes, oryndy saýal. Biraq saýalǵa jaýap daıyn, olar bir ózgeristi eskermeı otyr. Elimizde 2023 jyldyń 1 qańtarynan bastap Konstıtýııalyq sot qyzmetke kirisedi.

Demek, Konstıtýııaǵa bir basshy óz qalaýymen ózgeris engize almaıdy. Barlyq usynys sotpen qaralady. Sondyqtan, budan bylaı yqpaly bar qalaǵan adam Konstıtýııanyń mátinin túrte bermeıdi. Sózdiń toq eteri, qazirgi jańa qadamdardy tolyq quptaımyn.

"Adyrna" ulttyq portaly 

Pikirler