Prezıdent Qasym-Jomart Toqaev Ulybrıtanııa jáne Soltústik Irlandııa Birikken Koroldiginiń Koroli III Charlzdiń taqqa otyrýyna baılanysty quttyqtaý jedelhatyn joldady, dep habarlaıdy Aqorda.
Qazaqstan Ulybrıtanııamen berik dostyq baılanystarǵa, qarqyndy saıası dıalogqa, ózara tıimdi saýda-ekonomıkalyq baılanystarǵa negizdelgen berik strategııalyq seriktestikti joǵary baǵalaıdy. Túrli salalardaǵy, onyń ishinde halyqaralyq arenadaǵy jan-jaqty yntymaqtastyǵymyz dostas halyqtarymyzdyń ıgiligi úshin odan ári nyǵaıa beretinine kámil senimdimin, - dep jazylǵan jedelhatta.
Quttyqtaý sońynda Prezıdent Koroldiń barlyq ıgi bastamalaryna tolaǵaı tabys, al korol otbasy músheleri men brıtandyqtarǵa baq-bereke tiledi.
"Adyrna" ulttyq portaly
