"Hamenova isi": Elbasyny súıedi eken, sózinde turdy dep aqtaýdyń qajeti joq!

13282
Adyrna.kz Telegram

Sybaılas jemqorlyqqa qarsy kúres agenttigi Atyraý oblysy ákiminiń burynǵy orynbasary Baqytgúl Hamenovanyń "meni negizsiz qýdalady" degen málimdemesine jaýap berdi, dep jazady "Adyrna" ulttyq portaly. 

«Áleýmettik jelilerde sottalýshy Baqytgúl Hamenovanyń Sybaılas jemqorlyqqa qarsy qyzmet tarapynan ony negizsiz qýdalaý týraly málimdemesi bar aqparat taratylýda. Ótken jyldyń jeltoqsan aıynda Hamenova Mádenıet basqarmasynyń basshysy A.Rysqalıevpen Memlekettik satyp alý týraly shart jasasqany jáne mindettemelerdi oryndaý barysynda jalpy qamqorlyǵy úshin "Balqytý" JShS dırektory Ý. Adamovtan aldyn ala sóz baılasý arqyly adamdar tobynda 4,5 mln. teńge somasynda para alǵany úshin áshkerelengenin habarlaımyz», - delingen habarlamada. 

Antıkordyń habarlaýynsha, onyń áreketteri jınalǵan dáleldemelerdi, onyń ishinde jasyryn tergeý áreketteriniń nátıjelerin, sondaı-aq kúdiktiler men kýálardyń tikeleı aıǵaqtaryn eskere otyryp saralanady.

"Taǵylǵan aıyptyń negizdiligi men zańdylyǵy prokýrormen rastaldy. Hamenovanyń jáne basqa adamdardyń kinási týraly qorytyndy sheshimdi sot qabyldaıdy", - dep habarlady agenttik.

Hamenovanyń málimdemesine qatysty zańger, qoǵam belsendisi Aıgúl Orynbek te óz pikirin bildirdi.

"Otyz jyl jemqorlyq jasaǵandar — «halqymdy súıgennen soń, osylaı jasadyq», dep jylap-suqtasa aqtap jiberetin túrleriń bar ǵoı! «Elbasyny súıedi eken, sózinde turdy», - dep aqtaýdyń esh qajeti joq, týǵan Eliniń aldynda qatelikke boı aldyrǵanyna keshirim surap jylasa, eki balapany úshin keshirimmen qaraýǵa bolar edi... “Elbasyny súıgenim úshin qamap jatyr”, dep eńireýi — adamdardyń janashyrlyǵyn oıatyp, óziniń qylmystyq áreketin «saıasılandyrý» bolyp tabylady! Bundaı is-áreketi úshin aıyp taǵylǵan adamdy — qylmystyq jaýapkershilikten bosatpaý kerek! Jańa Qazaqstannyń ádil Sot sheshimin kútemin!", - dep jazdy ol óziniń fb paraqshasynda. 

Esterińizge sala keteıik, 10 jeltoqsan kúni Atyraý oblysy ákiminiń burynǵy orynbasary iri kólemde para aldy degen kúdikpen ustaldy. 31 mamyrda Hamenovaǵa qatysty qylmystyq is Atyraý qalasynyń №2 sotyna berildi. Sot proesi 3 tamyzda bastalyp, áli de jalǵasyp jatyr. Kezekti sot otyrysynla Baqytgúl Hamenova  óz sózinde taǵy da kinásin moıyndamaı: “Qurmetti sot! Qazir myqtylardyń ýaqyty. Meni Nazarbaevtyń jaqtasy dep aıta bersin. Men Elbasyn jaqsy kóremin. Onyń elge qosqan úlesi týraly aıtýdy toqtatpaımyn”, – degen bolatyn.

"Adyrna" ulttyq portaly

Pikirler