«Bıpek Avto – Azııa Avto» kompanııalar toby dırektorlar keńesiniń tóraǵasy A.Balýshkınge alaıaqtyq jasady dep, 2021 jyldyń tamyz aıynda izdeý jarııalanady. Sebebi, ol memlekettiń 173 mıllıard, 979 mıllıon aqshasyn jep qoıǵan. Biraq, ol sabazyń Reseı azamattyǵyn alyp, sol jaqqa qashyp ketedi.
Biraq, Balýshkın basqa elge ketkenimen, iske
qatysy bar degenderdiń birazy elde tergeýde.
Solardyń arasynda áli kúnge qamaýda zańsyz
otyrǵan, sol kezdegi kompanııa basshylyǵynyń ishindegi jalǵyz qazaq - Erjan Mandıev.
Bir jylǵa jýyq temir torda otyrsa da, kinási
dáleldenbegen. Balýshkınnen aıyrylyp
qalǵandar kúmándi iste Mandıevti basty tulǵa jasamaqshy ma?
Erjan Mandıevke Qylmystyq kodekstiń 190-babynyń 4-bóliginiń 2-tarmaǵy boıynsha aıyp taǵylady. 2021 jyldyń 20 qyrkúıeginde ustalyp, tergeý toby ony qamaýǵa alady.
Aıyptalýshy áýeli Nur-Sultan, keıin Semeı
qalasyndaǵy tergeý ızolıatoryna aýystyrylady.
Qamaýda jatqan ol óziniń azaptalǵanyn
aıtady:
«Nur-Sultan qalasyndaǵy QR UQK-niń arnaıy uıymdastyrylǵan bólimshesinde - «Arnaıy prodol» dep atalatyn tergeý ızolıatorynda maǵan fızıkalyq jáne psıhologııalyq qysym jasaldy. Dárigerler mı jarty sharlarynyń aq zatynda glıozdyń vazogendi oshaqtary, oń jaq aldyńǵy mı arterııasynyń A1 segmentiniń gıpoplazııasy
degen dıagnoz qoıdy. Mundaı ózgerister bas soqqy qabyldaǵanda týyndaýy múmkin. Qazirgi tańda azaptaý faktisi boıynsha qozǵalǵan qylmystyq is aıasynda sot-medıınalyq saraptama taǵaıyndaldy».
Erjan Mandıev 2013 jylǵy 8 aqpanda sol
kezedgi «esnabank» pen ózi basqarǵan «AZIIa AVTO» arasynda kelisim bolyp, kompanııa bankten 24 aı merzimge 6 mlrd teńge nesıe alǵan. Alaıda sol jyly ol atalǵan kompanııadan jumystan shyǵyp ketedi. Odan ary qaraı qarjylyq máselelerge qatysy bolmaǵan. Odan keıin de bank kompanııany belsendi túrde qarjylandyrýdy jalǵastyrǵan. Iaǵnı bank aqsha quıýdy toqtatpaǵan. Bastapqy kelisim-sharttyń merzimin de, somasyn da basqa adamdar ózgertken. Erjannyń ózi turmaq qoly da joq.
Sonda birneshe jyl kompanııaǵa qatysy
bolmaǵan adam qalaı kináli bolyp, nege
qamaldy? Aıyptalýshynyń advokaty Ermek
Tursaǵulovtyń sózinshe, Erjan Mandıev
«Jýsan» bankke nesıesin qaıtarmady dep
aıyptalyp otyr. Alaıda bul aıyp áli kúnge
dáleldengen joq. «Jýsan» bank K.Másimovtyń tapsyrmasymen buny qýdalap, oǵan tıesili dúnıeni tartyp alǵysy kelgen. Bar másele – sonda» - deıdi qorǵaýshy Tursaǵulov. Erjan Mandıevke qatysty budan bólek azaptaý jáne reıderlik degen taǵy eki is bar. Ekeýinde de onyń zardap shegýshi ekeni dáleldengen. Tergeý barysyna kelsek: qazirgi tańda qylmystyq isti úshinshi top júrgizip otyr, qamaý merzimi 2022 jylǵy 20 qyrkúıekke deıin uzartylǵan, qylmystyq is boıynsha Mandıevtiń kinási týraly jetkilikti, obektıvti jáne jan-jaqty
zerttelgen dáleldemeler de joq.
Otandyq kólik naryǵyna aıtarlyqtaı eńbek
sińirip, alpaýyt kompanııany aıaǵyna turǵyzǵan bilikti maman, ekonomıst birneshe jylǵa sottalýy múmkin. Taǵylǵan aıyp dáleldense, áńgime bólek bolar
edi.
Aıran ishken Balýshkın qutylyp, shelekti
jalamaǵan da Mandıevtiń sottalýy ádilet pe?
Istemegen qylmysyn moınyna ilip, qysym
jasap sottaý eski Qazaqstanda qaldy ma dep
edik. Eski ádispen jańa Qazaqstan qura alamyz ba? Nege reıderliktiń áreketterdiń bárinde Másimovtyń aty atalady?
QR Bas prokýratýrasy, QR UQK, Sybaılas jemqorlyqqa qarsy is qımyl agenttiginen istiń ashyq ta ádil júrgizilýin suraımyz.
