Abaı oblysynda órt sóndirýshi qyzmettik boryshyn oryndaý kezinde qaza tapty, dep habarlaıdy «Adyrna» tilshisi.
2022 jyldyń 7 qyrkúıeginde 13 saǵat 35 mınýtta 112 kezekshi pýltine Abaı oblysy Jarma aýdanynyń Bozjyra aýyldyq okrýgi Birinshi aýylynyń ýchaskesinde qurǵaq shóp janyp jatqany týraly habarlama kelip túsken.
«Shaqyrý ornyna №22 órt sóndirý beketiniń qyzmetkerleri jiberildi. Olar dereý órtti sóndirýge kiristi. Jumys barysynda órt sóndirý avtoısternasy Baqyrshyq taý-ken óndirý kásipornynyń órt sóndirýge sý jetkizetin KAMAZ sý aldy. Osy kezde jel baǵytynyń ózgerýi saldarynan órt avtoısternaǵa qaraı aýmaqty sharpydy. Tehnıkaǵa arnalǵan evakýaııalaý joldary barlyq jaǵynan otqa oranyp, bıiktigi eki metr qaraǵan aǵashy órtendi.
Órt sóndirýshiler jaǵdaıdy baǵalap, órt-tehnıkalyq qarý-jaraqty jınaýdy toqtatyp, shuǵyl evakýaııalaýǵa kiristi. Avtoısterna men KAMAZ sý tasymaldaýshy kóligi tolyǵymen janyp ketti.
Nátıjesinde órt sóndirý beketiniń bólimshe komandıri Amangeldi Turlybekov pen órt sóndirý beketiniń júrgizýshi-qyzmetkeri Aıdos Toǵyzbaev, órt sóndirýshi-qutqarýshy Nurlan Salımjan túrli dárejedegi kúıik alyp, Jarma aýdany Shar qalalyq aýrýhanasyna jatqyzyldy.Aıdos qatty kúıik alyp, jaraqatynan aýrýhanada kóz jumdy. Qyzmettik boryshyn oryndaý kezinde kórsetken batyldyǵy men janqııarlyq erligi úshin azamattyq qorǵaý serjanty Aıdos Erulanuly Toǵyzbaev qaza tapqannan keıin III dárejeli «Aıbyn» memlekettik nagradasyna usynyldy»,—delingen habarlamada.
Resmı málimetterge súıensek, órt aýmaǵy 500 ga qurady. Qazirgi tańda oqıǵanyń mán-jaıy anyqtalýda.
