«AMANAT» partiiasynyŋ «Jastar Ruhy» jastar qanaty jasaqtaǧan volonterlık toptar Qostanai oblysynda orman örtınen zardap şekken jäne evakuasiialanǧan tūrǧyndarǧa kömek körsetıp, belsendı jūmysyn jalǧastyryp jatyr.
«AMANAT» partiiasy «Jastar Ruhy» jastar qanatynyŋ töraǧasy Nūrjan Jetpısbaev atap ötkendei, Äulieköl audanyna elımızdıŋ tükpır-tükpırınen 300-den astam erıktı keldı.
«AMANAT» partiiasy «Jastar Ruhy» jastar qanatynyŋ töraǧasy Nūrjan Jetpısbaev atap ötkendei, Äulieköl audanyna elımızdıŋ tükpır-tükpırınen 300-den astam erıktı keldı.
«Volonterlerımız gumanitarlyq kömektı qoimalarǧa jaiǧastyrdy. Azyq-tülık pen qajettı zattardy tūrǧyndardyŋ üilerıne jetkızıp berude. Zardap şekkender men evakuasiialanǧandarǧa jyly sözımızdı aityp, moraldyq qoldau körsetu de maŋyzdy. Būl – bızdıŋ şynaiy janaşyrlyǧymyzdy bıldıru ǧana emes, sonymen bırge olarǧa qiyn sätte küş-jıger beru. Sonymen qatar, jastar qalpyna keltıru jūmystaryna, örtten keiıngı üiındılerdı sūryptauǧa, aumaqty tazalauǧa jūmyldyrylǧan. Mūnymen qosa, bız örtten zardap şekpegen, bıraq qoldaudy qajet etetın köpbalaly jäne az qamtylǧan otbasylarǧa da azyq-tülık taratamyz», - dedı N.Jetpısbaev.Sondai-aq, ol qazır tūrmystyq tehnika men qūrylys materialdary köbırek kelıp jatqanyn aitty. Volonter Raiymbek Baqytjanov Qostanai oblysyna elordadan keldı. Ol apat turaly esti sala bırden erıktı retınde baruǧa şeşım qabyldaǧanyn aitty.
«Jük tielgen kölıkter saǧat saiyn kelıp jatady, ūiyqtamai, demalmai jūmys ısteuge tura keledı. Bıraq erıktı boludyŋ basty qasietı de osy. Sebebı bız adamdarǧa naqty ıspen kömektesemız. Sondyqtan mümkındıgım bola salysymen osynda eş oilanbastan keldım. Bız mūnda kömek qoldauymyz qanşa qajet bolsa, sonşa uaqytqa deiın jūmys ısteimız», - dedı ol.Jergılıktı tūrǧyn Amanjol Ahmetov erıktılerge alǧysyn aityp, eŋ bastysy, elımızde tynyştyq bolsyn degen tılegın jetkızdı.
«Bükıl Qazaqstan halqy bızge kömektesıp jatyr. Azyq-tülık tapşylyǧy joq, bızge qajettınıŋ bärın äkeldı. Būl ört qazaqstandyqtardyŋ qiyn sätte bır-bırıne kömektesuge äzır janaşyrlyǧyn körsettı», – dedı ol.Eske sala keteiık, amanattyqtar üş kün ışınde zardap şekkenderge 1214 tonna gumanitarlyq kömek jinady. Partiia filialdary janyndaǧy gumanitarlyq kömek jinau punktterı elımızdıŋ barlyq 20 öŋırınde jūmys ısteidı. «AMANAT» partiiasy Ortalyq apparatynyŋ ūjymy da zardap şekkenderge kömek körsetu qoryna bırkündık jalaqysyn audardy. Qazırgı uaqytta volonterler partiia filialdary janynan aşylǧan gumanitarlyq kömek jinau punktterınde jūmysyn jalǧastyruda.
