«Halyq» qaıyrymdylyq qory Qostanaıdaǵy balabaqsha qurylysyna 1,3 mlrd teńge bóledi

1651
Adyrna.kz Telegram

«Halyq» qaıyrymdylyq qory Qostanaı oblysyndaǵy balabaqsha qurylysyna 1,3 mlrd teńge bóledi.

Qatty órtten Qostanaı oblysyna orasan zor materıaldyq jáne ekonomıkalyq shyǵyn keldi. Júzge jýyq úı órtenip, jergilikti turǵyndardyń ómiri men qaýipsizdigine qaýip tóndi. Úkimet turǵyndardy qoldaý jáne qıyn jaǵdaıdan shyǵý úshin barlyq sharalardy qoldanyp, tabıǵı apattyń zardaptaryn joıý boıynsha belsendi jumys júrgizýde.

Qostanaı oblysynyń qasireti barsha qazaqstandyqtarǵa, kásipkerler men qoǵam qaıratkerlerine kómek kórsetý nıetin biriktirdi. Qamqorshylyq Keńesiniń sheshimimen «Halyq» Qaıyrymdylyq Qory tótenshe jaǵdaıda zardap shekken otandastarǵa kómek kórsetýge óz úlesin qosty.

Qostanaı oblysynyń Áýlıekól aýdanynda orman órtinen zardap shekkenderge 91 jańa úı salý josparlanyp otyrǵan aýdanda 280 oryndyq jańa balabaqsha salynady, onyń qurylysyna «Halyq» qaıyrymdylyq qory 1,3 mlrd teńge bóldi.

Qurylys jaqyn arada bastalyp, kelesi jyly jańa balabaqsha kishkentaı tárbıelenýshilerin qabyldaýǵa daıyn bolady.

«Biz zardap shekkenderdiń barlyǵynyń qaıǵysyna ortaq bolyp, bizdiń úlesimiz, qamqorlyǵymyz ben qoldaýymyz olardyń aýyr zardaptardan aıyǵýyna jáne jaqyn bolashaqta olardyń qalypty ómirlerine oralýyna kómektesetinine senim bildiremiz», - delingen «Halyq» qaıyrymdylyq qory málimdemesinde.

Pikirler