Aqtaýda jattyqtyrýshy 5 jasar qyzdy zorlap kelgen. Bul týraly kishkentaı qyzdyń týysqan ápkesi «NeMolchı.Kz» qoryna málimdegen, dep habarlaıdy "Adyrna" ulttyq portaly azattyq-ruhy.kz-ke silteme jasap.
Qor ókilderiniń aıtýynsha, senim telefonyna habarlasqan boıjetken 5 jasar jıenin jattyǵý kezinde jattyqtyrýshy birneshe ret zorlap, azǵyndyq jasaǵanyn jetkizgen.
Belgili bolǵandaı, anasy qyzynyń áldenege ushyraǵanyn túsinip, anyqtap suraǵanda, bala karateden jattyqtyryp júrgen 19 jastaǵy er adamnyń áreketi týraly bar shyndyqty aıtyp bergen.
«Jattyqtyrýshy qyz balaǵa ata-anasyna eshteńe aıtpaýdy buıyryp, bul ekeýiniń ózara qupııasy ekenin aıtqan. Sóıtip, kishkentaı qyz bapkerdiń aıtqanyn oryndap júrgen. Bala ortalyqqa 2021 jyldyń qyrkúıeginen bastap barady, ata-anasy ony sońǵy 3-4 aıdan beri zorlyqqa ushyrap kelgen dep esepteıdi», - dep jazady qor belsendileri.
Aıta keterligi, kúdikke ilingen jigit 18 jasynda Ashıhara-karateden álem chempıony bolǵan, al 2021 jyldyń qyrkúıeginde balalardy jattyqtyra bastaǵan. Ol qysqa ýaqyt ishinde balalar men ata-analardyń senimine kirip, ózin jaǵymdy adam retinde kórsete bilgen.
«Ádette sabaq kezinde ata-analar balalaryn zaldyń syrtynda kútip otyrady. Sol joly qyzdyń anasy men taǵy bir ata-ana sál erterek kelip qalyp, jattyqtyrýshynyń joq ekenin, al balalardyń júgirip, zalda oınap júrgenin baıqaıdy. Artynsha bapker beınekamera ornatylmaǵan kıim aýystyratyn bólmeden shyǵady, onyń sońynan qyz bala shyqqan. Kishkentaı qyzdyń terlep, shashy uıpa-tuıpa bolyp qalǵany, kıimi de durys kıilmegeni kórinip turǵan. Anasy qyzynan jattyqtyrýshymen ne úshin kıim aýystyratyn bólmede júrgenin suraǵanda, qyzy «bul qupııa» dep jaýap bergen. Jattyqtyrýshy bul jaıtqa qatysty qyzdyń jarysqa qatysqysy kelip jylaǵanyn, al óziniń ony jubatqanyn aıtqan!» – deıdi qor ókili.
Belgili bolǵandaı, qazirgi ýaqytta balamen psıholog jumys istep jatyr.
«Bala áli de tekserýdi qajet etedi. Bul oqıǵa qatty aýyr tıgendikten, jas ana kóz jasyn toqtata alar emes. Ana da kómekke qatty zárý», - deıdi qor ókili.
Atalǵan jaıtqa baılanysty Mańǵystaý oblystyq polıııa departamenti pikir bildirip, qylmystyq is qozǵalǵanyn málim etti.
«Aqtaý qalalyq polıııa bólimine aryzdanǵan áıel kishkentaı qyzyna qatysty azǵyndyq áreketter jasaǵan azamatqa shara qoldanýdy surady. Atalǵan derek sotqa deıingi tergep-tekserýdiń biryńǵaı tizilimine QR Qylmystyq kodeksiniń 124-babynyń 3-bóligi boıynsha tirkeldi», - dep habarlady oblystyq DP.
Vedomstvo málimetinshe, kúdikti ustalyp, ýaqytsha ustaý ızolıatoryna qamaldy.
Sot-medıınalyq saraptama taǵaıyndaldy. Tergeý múddesi úshin qalǵan málimetter jarııalanbaıdy.
"Adyrna" ulttyq portaly
