QR Ǵylym jáne joǵary bilim mınıstrligi "Almatydaǵy stýdentter dalada qonyp júr" degen aqparatty joqqa shyǵardy, dep jazady "Adyrna" ulttyq portaly jazady.
"Almatydaǵy stýdentter dalada qonyp júr" degen saryndaǵy habarlamalar sońǵy kúnderi birqatar aqparattyq saıt pen áleýmettik jelide taraǵan edi. Ǵylym jáne joǵary bilim mınıstrligi olardy muqııat zerdelep, kópshiligi bir paraqshadan alynǵanyn jáne ondaǵy málimettiń rastalmaǵanyn habarlaıdy. BAQ ókilderi men áleýmettik jelidegi paraqsha ıeleri mınıstrliktiń baspasóz qyzmetine ol stýdentter jaıly naqty derekterdi usyna almady. Osyǵan oraı qoǵam ókilderi men Buqaralyq aqparat quraldaryn tek resmı aqparatqa senýge shaqyramyz", - delingen habarlamada.
Stýdentterdiń jataqhanaǵa ornalasýyna qatysty suraqtar týyndasa joǵary oqý oryndarynyń ákimshiligine habarlasý suralady.
"Al, ýnıversıtetter shákirtterdi jataqhanadaǵy oryndarmen qamtamasyz etýde. Sondaı-aq, qajet bolǵan jaǵdaıda oryn jetpegen stýdentter hostelder men qonaqúılerge ornalastyrylady. Aıta ketý kerek, Ǵylym jáne joǵary bilim vıe-mınıstri Qýanysh Erǵalıev stýdentterdi jataqhanamen qamtý máselesi tolyq sheshilgenshe Almatyda bolady. Ol jaǵdaıdy tikeleı baqylaýynda ustaıdy", - dep habarlady mınıstrlik.
