«QazMunaıGaz» basshysy Maǵzum Myrzaǵalıev: kompanııanyń eń basty kapıtaly – qyzmetkerler

3255
Adyrna.kz Telegram

«QazMunaıGaz» UK» AQ Basqarmasynyń tóraǵasy Maǵzum Myrzaǵalıev munaı-gaz kesheni qyzmetkerlerin kásibı merekesimen quttyqtady.

Óz quttyqtaýymen Maǵzum Myrzaǵalıev Twitter-degi paraqshasynda bólisti.

Munaı salasy úshin bıyl eleýli jyl. Qazaq munaıynyń bastaýynda turǵan «Embimunaıgaz» AQ 100 jyldyq mereıtoıyn atap ótti. Embi munaıshylary osy ýaqytta 188 mln tonnadan astam qara altyn óndirdi, dep jazdy ol.

Sondaı-aq, Myrzaǵalıev bıyl «QazMunaıGaz» kompanııasynyń qurylǵanyna 20 jyl tolyp otyrǵanyn basa atap ótti.

Osy ýaqytta «QazMunaıGaz» kásiporyndary óndiristi 3 esege jýyq arttyrdy. 347 mln tonna ónim óndirildi, 227 mln tonna óńdeldi. 20 jylda kompanııa aktıvteri 7,5 ese, jyl saıynǵy taza paıda 5 ese ósti. Jerasty baılyǵyn barlaý, ıgerý, damytý – qajyr-qaırat pen bilimdi, tabandy eńbekti talap etedi. Búginde «QazMunaıGaz» kompanııalar tobynda 60 myńǵa jýyq adam eńbek etedi, - deıdi ol.

Onyń aıtýynsha, kompanııanyń eń basty kapıtaly – qyzmetkerleri.

Osyndaı san qyrly óndiris synyna tótep berip, jazdyń aptap ystyǵy men qystyń qaharly sýyǵyna qaramaı, el ıgiligine qyzmet etetin munaıshylardy kásibı merekesimen quttyqtaı otyryp, zor densaýlyq, eńbekterine tabys, shańyraqtaryna qut-bereke tileımin! Maǵzum Myrzaǵalıev

 

 

Pikirler