Nur-Sultanda ýchaskelik ınspektor 24-qabattan sekirmek bolǵan áıeldi shatyrǵa deıin ańdyp, qutqaryp qaldy, - dep habarlaıdy "Adyrna" tilshisi Polisia.kz saıtyna silteme jasap.
Ýálıhanov kóshesiniń boıynda bolyp jatqan oqıǵa týraly kýágerler polıııaǵa habarlaǵan. Oqıǵa ornyna patrýldik kólik jiberildi. Bul kezde Baıqońyr aýdany boıynsha ÝPP-27 ýchaskelik polıııa ınspektory Qýanysh Mırzaev óziniń ákimshilik ýchaskesinde bolyp, shuǵyl oqıǵa oryn alǵan úıge qaraı júgirgen.
Ol jerge jetkende áıeldiń aıaǵyn salbyratyp qoıyp, ózine qol jumsamaq nıette otyrǵanyn ańǵardy. Qýanysh Mırzaev joǵarǵy qabatqa kóterilip, kıimin sheship, tehnıkalyq qabattyń kishkene terezesi arqyly dittegen orynǵa jetti. Artynan áıelge jasyryn túrde jetip baryp, kenet ony ustap alyp, qushaǵyna qysty. Ol jylap, qashýǵa tyrysty. Polıeı ony áńgimeler arqyly jubatty.
Osy ýaqytta basqa podezden qutqarýshylar keldi. Ekeýi birge áıeldi terezeden súırep shyǵardy. Tómengi qabatta kútip turǵan dárigerler oǵan psıhologııalyq kómek kórsetti. 27 jastaǵy kelinshekti mundaı áreketke ne ıtermelegenin polıeıler anyqtady.
