Aqtaý turǵyndary Aqtaý qalasynyń ákimi Nurdáýlet Qılybaı men Nurlan Noǵaevqa sýsyz otyrǵandaryn aıtyp, vıdeoúndeý joldady, dep habarlaıdy “Adyrna” ulttyq portaly.
Turǵyndardyń aıtýynsha, turǵyn úı qurylysy kezinde tıisti mekemelermen kelisim shartqa otyrylmaǵandyqtan sýdyń zardabyn tartyp otyr.
“Biz 32v 83 úı turǵyny bolamyz. Búgin 1 shi qyrkúıek, bul turǵyn úı kesheninde sýdan aıyrylyp otyrmyz. 180 adam , 70-ke jýyq páter, kóp balaly analar, qarapaıym otbasylar sýsyz qalyp otyr.
Bul birinshiden, zastroıık IP KATAEVA salǵyrttyǵynan. Anyǵyraq sonyń kesirinen bolyp otyr. 5 jyldan beri úıdiń qujattary múldem durys emes. Tıisti mekemelermen kelisim-shartqa otyrylmaǵandyqtan, osyndaı jaǵdaıǵa qalyp otyrmyz”,- dedi turǵyndar.
Bul Aqtaý turǵyndarynyń birinshi ret sýsyz qalyp otyrǵany emes. Mundaı jaǵdaı jıi bolyp turady, shydamnyń da shegi bar, deıdi turǵyndar.
“Bul kórip otyrǵanymyz birinshi ret emes. Úıdiń eskızi de, proektisi de turǵyndarǵa aıtylǵannan múldem basqasha. Eń basty másele, bul - sýdan aıyrylǵandyǵymyz bolyp otyr”,- dedi olar.
”Adyrna” ulttyq portaly
