Búgin «AMANAT» Tóraǵasy Erlan Qoshanov Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn talqylaý úshin partııa aktıvimen jıyn ótkizdi.
Oǵan Parlament depýtattary, qoǵam qaıratkerleri, Ortalyq apparattyń qyzmetkerleri qatysty. Sondaı-aq, beınekonferenııa baılanysy arqyly partııanyń barlyq aımaqtyq fılıaldary qosyldy.
Erlan Qoshanov jıynǵa qatysýshylardyń nazaryn Joldaý – Jańa Ádiletti Qazaqstan qurý jolyndaǵy taǵy bir úlken qadam ekenine aýdardy.
«Joldaýda Prezıdent ádettegideı, qazaqstandyqtardyń eń ózekti saýaldaryna naqty jaýabyn berdi. Bul bastaý alǵan saıası ózgeristerdiń jalǵasy. Prezıdenttiń sózi men isi bir jerden shyǵatynynyń taǵy bir dáleli – osy. Aldaǵy saılaý naýqandarynyń kestesi jarııalandy. Memleket basshysy Prezıdent mandatyn qysqartý jáne uzaqtyǵy 7 jyldyq bir merzimmen shekteý jóninde bastama kóterdi. Munyń bári reformalar baǵytynyń dáıektiligin jáne onyń eldegi demokratııany nyǵaıtýǵa baǵyttalǵanyn kórsetedi», – dedi ol.
Sonymen qatar, partııa Tóraǵasy qazirgi syn-qaterlerge qaramastan, Prezıdent memlekettik áleýmettik saıasatty kúsheıtip jatqanyn atap ótti: bilim berý men densaýlyq saqtaýdy damytýǵa, jastar men aýyl sharýashylyǵyn qoldaýǵa úlken qarajat bólinýde, barlyq áleýmettik tólemder ındekstelýde, zeınetaqy qaıta qaralýda, «Ulttyq qor – balalarǵa» jobasy iske qosylýda.
«AMANAT» partııasy elimizdiń jetekshi saıası kúshi retinde Memleket basshysynyń saıası jáne áleýmettik-ekonomıkalyq bastamalaryn tolyq qoldaıdy. Prezıdenttiń Joldaýda usynǵan barlyq reformalary – bul eldiń jańa jaǵdaıda damýyna tyń serpin beretin progressıvti ári ýaqtyly sharalar», – dep atap ótti Erlan Qoshanov.
Sondaı-aq is-shara barysynda partııanyń Saıası keńesi Bıýrosynyń múshesi, «Egemen Qazaqstan» respýblıkalyq gazetiniń Bas dırektory Darhan Qydyráli sóz sóıledi. Onyń aıtýynsha, Joldaý el damýynyń aldaǵy baǵytyn aıqyndaıdy.
«Memleket basshysy óz Joldaýynda halyqty tolǵandyratyn barlyq ózekti máseleni qamtydy. Bul sý resýrstarynyń jetispeýshiligi, jol jóndeý, aýyldaǵy medıınany damytý, ıgerilmegen jerlerdi qaıtarý jáne taǵy basqalar. Sondyqtan biz Prezıdenttiń baǵytyn tolyq qoldaımyz», – dedi Darhan Qydyráli.
Óz kezeginde «AMANAT» partııasy Almaty qalalyq fılıalynyń atqarýshy hatshysy Meıirjan Otynshıev Almatynyń jastar men stýdentter qalasy ekenin atap ótti.
«Bul rette, 100 myń jas azamatty jumysqa ornalastyrý, jas kásipkerlerge jeńildikpen nesıe berý, stýdentter jataqhanasynyń máselesin sheshý boıynsha naqty sharalar qamtylǵan Joldaý – bolashaq urpaqtyń máseleleri Prezıdenttiń nazarynda ekenin aıqyndap otyr», – dedi Meıirjan Otynshıev.
Partııanyń Soltústik Qazaqstan oblystyq fılıalynyń atqarýshy hatshysy Ásem Rahmetova barlyq mindet qoǵamnyń, memlekettik apparattyń jáne «AMANAT» partııasynyń ortaq kúsh-jigerimen iske asady degen pikir bildirdi.
«Búgingi jumysymyzda qoǵamdyq dıalog, ashyqtyq, turǵyndardyń muń-muqtajyna jedel den qoıý máselesi basym baǵyt bolýy tıis. Sol arqyly oıǵa alǵan dúnıeniń barlyǵyn iske asyra alamyz», – dedi ol.
Jıyn qorytyndysy boıynsha «AMANAT» Tóraǵasy Erlan Qoshanov partııanyń Ortalyq apparaty men óńirlik fılıaldarynyń aldyna Joldaýdy halyq arasynda ilgeriletý jáne onda aıtylǵan Memleket basshysynyń reformalaryn iske asyrý úshin barlyq partııalyq resýrstardy jumyldyrý jóninde birqatar naqty mindetter qoıdy.
